Chapter 24

Sa totoo lang ay wala akong ginagawang trabaho ngayon. Naghihintay lang ako na dumating ang oras para ma-meet na namin si Mr. Martinez.

Kung tutuusin ay puwede akong mag-send ng mga email proposal or mag-check ng email inquiry at mag-reply, pero may back office team naman na ang CC o Corcuera Constructions na siyang gumagawa noon.

Ang madalas na ginagawa kong trabaho ay ang mag-set ng meeting, appointments, restaurant reservations at kung ano ano pa lalo na kung sa labas ng kompanya kikitain ni Tito Rick ang mga kliyente o mga posibleng business partners.

Ako rin ang nag-aayos ng schedule niya, o kung wala siya rito ay ako ang tumatanggap ng lahat at ibi-briefing ko na lang siya sa mga nakaligtaan niya pagkabalik niya.

Gusto ko lang talaga na tumambay rito sa opisina lalo na’t si Dmitri ang nakikita ko. Pasimple nga kung tumitig ako sa kanya. Totoo ang sinabi nina Rose at Lily kanina na mas naging guwapo nga siya.

His be