Chapter 26

NANG MAKAPASOK NA ang mga sasakyan nila, kaagad na bumaba si Evie at pinababa si Steve. Bumaba naman din si Silver at kinuha ang mga gamit nila sa compartment.

"Good morning Ma’am, Sir." bati naman ng katiwala roon ni Silver.

"Good morning manong, we're back again." sagot naman ni Evie rito.

"Oh my gosh! This is so lit!" pagkamangha pa ni Sofie ng makita ang bahay. Well, that's also her reaction on first time seeing the place. "Look, Benj! This is also a dream house I want for us! What do you think?" pagkapit pa nito sa braso ni Benjamin dahil bitbit ng binata ang mga gamit nila si Sofie sa magkabilang kamay.

Hindi naman mairi ang reaksyon ni Benjamin na tila napipilitang sumangayon.

"Com'on let's get inside." pagaaya pa ni Silver sa mga ito habang nangunguna sa pagpasok ng bahay.

Tila si Sofie na lamang ang manghang-mangha ng makapasok ng bahay. Pinakawalan na ni Evie si Steve para makapaggala ito, hindi naman ito makakalabas na dahil nakasara na ang gate. Hindi rin kasi ito sanay ng nakatali.

"Ahhh! Stay away from me! Shoo!" tili naman ni Sofie dahil nilalapitan siya ni Steve at inaamoy ngunit biglang tinahulan. "Ahh! Alisin mo yang maduming aso na yan!" sigaw pa nito.

"Excuse me, mas malinis pa ang bibig nito kaysa sayo. Kumakain ka siguro ng aso noh? Galit sayo si Steve eh?" pabiro man ngunit puno ng sarkastimo ang sinabi ni Evie. Halos humagalpak naman si Benjamin dahil rito.

"Argh! Basta wag mong palapitin yang asong yan sa akin! Eww!" pagiinarte pa nito at tumabi kay Benjamin sa pagkakaupo sa sofa.

"Hindi mo naman kailangan matakot kay Steve, he's a nice boy." saad pa ni Benjamin na nilapitan din ni Steve kaya hinimas niya ang ulo nito.

"Don't touch it!" suway pa ni Sofie at hinigit ang kamay ni Benjamin na pinaghahawak sa aso.

"Come to mommy, Steve." pagtawag pa ni Evie rito kaya lumapit din ang aso.

Nagtungo si Evie sa kitchen kasama si Steve, naroon si Silver at kinakausap ang katiwala tungkol sa ihahaing pagkain nila. Nakita naman siya ni Silver pero hindi niya ito pinansin dahil dumiretso siya sa water dispenser para lagyan ng tubig ang bowl na hawak para sa aso.

Habang umiinom si Steve, minamasdan lang siya ni Evie at hinihimas ang katawan.

"Uhaw na uhaw ang baby ko ah?" saad pa ni Silver ng makalapit sa kanila. Tiningala naman siya ni Evie.

"May busal ka ba?" seryosong tanong nito kay Silver.

"Ahm, mayroon. Bakit? Bubusalan mo si Steve?"

"Hindi noh! Yung Sofie na yun ang bubusalan ko, napakaingay! Takot pala sa aso eh kailangan pang mageskandalo?" bwisit namang pahayag ni Evie na kinatawa ni Silver.

"May kulungan rin sa likod, kung sakali doon mo siya gustong patulugin." panggagatong pa ni Silver.

"Bruhang yun? Tawaging madumi at eww daw si Steve? Eh hindi nga ito lumalapit sa pangit."

Lalong natutuwa si Silver dahil sa kanya nagbubuhos ng hinaing si Evie.

"So gwapo talaga ako kasi gustong-gusto niya ako eh?"

Sinamaan naman ni Evie ito ng tingin. "Isa ka pa!" sabay walkout nito sa kitchen. Naiwan naman si Steve doon kay Silver.

"Sungit talaga ni mommy mo noh? Intay ka lang baby Steve ah, pakakainin ka ni daddy ng mga steak dyan." paghimas pa niya sa ulo ng aso.

Hindi ako susuko, Evie. Ngayon pang mas napapalapit na tayo sa isa't isa.

Habang nagiintay sila ng tanghalian, umakyat na muna sila sa mga kwarto upang mailagay ang mga gamit nila.

Dapat sina Evie at Sofie ang magkasama sa kwarto ngunit pinapasok ni Evie si Steve sa kwarto nila at sinabing doon din ito matutulog kaya nagiinasong lumabas ng kwarto nila si Sofie at pilit na doon na lang din sa kwarto kung nasaan si Benjamin.

Tuwang-tuwa si Evie sa panti-trip niya kay Sofie, tila kina-badtrip naman ito ni Benjamin ngunit wala rin itong magagawa.

"Hay sa wakas! Solo na natin dito Steve!" saad pa ni Evie habang nakabulagta sa kama. Nasampa naman ang kalahati ng katawan ng aso niya sa kama.

Arf!

"Oo baby, may reward ka kay mommy mamaya!"

Habang hindi pa sila tinatawag para sa tanghalian, dinukot naman ni Evie ang phone sa sling bag niya at kaagad na dinial ang number ni Ingrid. Ilang rings lang ay sumagot naman din na ito.

(Hey Evz! What's up?) tila walang buhay namang saad nito.

"Oh? Maaga pa pero parang pagod na pagod ka na?"

(Eh paano ba naman kasing arabong toh, matapos ng emergency board meeting sa Davao, heto kami ngayon sa Surigao, another emergency board meeting!)

Bakas sa boses nito ang pagkahapo.

"Ganun ba? Kawawa ka naman pala kay Khalil."

(Sinabi mo pa! Kung empleyado niya lang ako, magre-resign na ko!)

"Haha! Baka ako rin? Nga pala, narito na kami ulit sa beach house ni Silver. Makakahabol ba kayo?"

(Omg! Oo nga pala! Khalil already said yes even sa year-end party niyo sana kagabi kaso sobrang hectic ng schedule! Nakakaloka maging mayaman, akala ko kapag mayaman, chill chill na lang!)

Nakaramdam naman ng lungkot at panghihinayang ai Evie.

"Too bad, I want to see you. Akala ko kasi makakasama kita, I brought my dog."

(What?! Really?! Omg! I want to see Steve in person! Ang cute cute niya nung sinend mo sa akin sa viber.)

"Yeah, he wants to meet you too."

(Pipilitin ko si Khalil makalipad kami pabalik dyan ah?)

"I hope so!"

Matapos ng tawag, nagpasya si Evie na lumabas ng kwarto at maglibot ng bahay. Hindi niya ito nagawa noong unang pagpunta siya rito dahil sobra pa siyang naiilang. Pero ngayon, gusto niyang libutin ang bawat sulok ng bahay at para na rin mapatunayan niya sa sarili kung totoo nga ba ang sinasabi ni Silver tungkol rito.

Nang makababa sa grand staircase si Evie, napansin niyang abala ang magasawang katiwala ni Silver sa kusina kaya nilapitan niya ito.

"Hello po."

"Ay, hello din Ma’am! Welcome back!"

"Ano pong hinahanda niyo?"

"Etong nilasing na hipon, poach crab at steak daw po. Buti nasabihan kaagad ako ni Sir Silver kagabi kaya kaninang umaga namalengke na ko."

Minasdan pa ni Evie ang mga sangkap na naroon at nakita ang assorted na gulay.

"Manang, paistorbo lang po ah. Gagawa lang ako ng ensalada."

"Ay sige lang Ma’am, kuha ka lang dyan."

Naghiwa si Evie ng mga kamatis, sibuyas at malibanang mangga, binudburan niya ito ng kaunting asukal bago binuhusan ng toyo saka pinigaan ng kalamansi. Paborito niya ito lalo kung prito o inihaw ang ulam.

Matapos niyang sumaglit ng gawa sa kusina, lumabas siya sa roon para tunguin ang backyard. Halos dugtong ito ng garden sa gilid hanggang frontyard. Nakita niya roon ang nakahilerang naglalakihang kulungan, ito siguro ang tinutukoy ni Silver na kulungang pagpapasukan niya kay Sofie kaya bahagya siyang natawa. Balak kasi nila noon ni Silver na magalaga ng mga aso kahit gaano karami o anumang breed, kaya nagpagawa roon si Silver din ng mga kulungan.

Nang makarating siyang garden, namangha siya sa iba't ibang halamang naroon. Sa isip ni Evie, kung makita ito ng mama niya, matutuwa iyon. Ngayon lang niya nakita sa gilid ang mga tanim na herbs and spices, sa barriers ng bakuran ang iba't ibang uri pa ng halaman kagaya ng oregano, tanglad citronella, at pandan kaya humahalimuyak ito. Marami ring mga bulaklak at succulent na nagkalat. May puno ng mangga, santol, atis, rambutan, calamansi, sampalok at saging malapit sa bahay kubong pwedeng tambayan.

Tila nasa paraiso ang hardin na yun dahil lahat ng alam niyang halaman, bulaklak at puno na naroon ay may kanya-kanyang health benefits. Isa na namang patotoo sa mga sinabi ni Silver.

Tumagos na si Evie sa may pool area, naalala niya ang eksena nila noon ni Silver roon bago siya nawalan ng malay. Naramdam siya ng konting kirot sa dibdib ngunit ayaw na niyang magpaapekto. Nang nasa may frontyard na si Evie pumasok na muli siya ng bahay at nagtungo sa home theater na silid. Napangiti siya ng makita ang sofa na nagmumukha ng kama dahil sa laki at lapad nito. Perfect talaga ito pang Netflix and chill.

Sa kasunod na kwarto nun ay ang home gym, kahit hindi ganoon kalaki ay kompleto ito ng kagamitan. Sa dulong kwarto ay naka-lock hindi niya tuloy nalaman kung anong mayroon doon.

Papalabas sana si Evie ng hallway pabalik ng receiving area, nakasalubong naman niya si Silver na tila nagulat rin ng makita siya roon.

"Oh? Saan ka galing?"

"Nagikot-ikot lang."

Nangingiti naman si Silver rito. "Sana sinama mo ko para mas malibot kitang mabuti."

"Okay lang."

Tinanaw naman si Silver kung saan siya galing.

"Yung kwarto sa dulo, office/library yun. May mga mahahalaga kasi akong dokumentong nandoon kaya lagi naka-lock."

"Ahh.. Pero mas gusto ko ang garden mo."

"Sabi na magugustuhan mo eh. Lahat ng bilin mo noon na dapat itanim, hinanap ko talaga at pinalagay dyan."

"Para rin sayo yun, magagamit mong pang remedy."

"Oo na. -- teka? Si Steve?"

Doon pa lamang napagtanto ni Evie na hindi na pala ito nakasunod sa kanya. Nawala rin sa isip niya noong nawili siya sa garden.

"Ahm, baka nandyan lang yun. Naninibago kasi ngayon lang siya nakakawala sa malawak na lugar. Alam mo na sa apartment."

"Bagay na bagay pala kay Steve ang bahay natin." sinimangutan naman kaagad ni Evie ito saka siya nilagpasan sa paglalakad.

HABANG pinaghahainan pa sila, kinuha na ni Silver ang pinalutong steak at hinanap na ang asong si Steve.

Nakita niyang kasama na pala ito ni Evie sa may garden at tila naglalaro ng throw and fetch gamit ang napulot na sanga.

"Go Steve! Fetch it!" pagsigaw pa ni Evie ng hinagis ang sanga at nanakbo ang aso para makuha iyon. Kaagad rin nakabalik ang aso na kagat ang sanga ngunit inagaw pa ito ni Evie para maibato niyang muli.

"Sobrang saya ng baby natin ah?" bungad naman ni Silver na nakapagpasimangot na naman kay Evie.

"Sabi ng wag mong tatawaging natin ang aso ko eh."

"Fine! Pero daddy niya pa rin ako."

"No! --" napalingon-lingon pa ito sa paligid. "Baka may makarinig sayo!" banta pa nito ngunit tinatawanan lang siya ni Silver.

"Come here boy! I have something for you!"

Nananakbo pa ang aso may Silver at lalo itong naging maligalig ng maamoy ang hawak niyang plato.

"Wow? Baka hindi na kumain ng dog food ang aso ko sa pagka-spoiled mo sa pagkain? Baka biglang magselan? Wala ako pansustento sa steak niyan araw-araw." sita pa ni Evie dahil tatlong T-bone steak ito.

"Eh di ako ang magsusustento!"

"My point is, baka magselan sa pagkain at maghanap palagi ng masarap."

"Okay lang yan! Aso mo pa nga lang, spoiled ko na. What more kung mga anak na natin di ba?" sabay kindat pa ni Silver kay Evie at abot na kay Steve ang isang steak.

Umasiwa naman ang mukha ni Evie at inirapan ito. Napapailing na lamang siya sa mga patutsada ni Silver. Huwag lang sana may makarinig rito lalo na si Benjamin kundi yari na talaga siya.

"Mommy?"

"Don't call me that."

"Bakit naman? Eh sa nasanay na kong --"

"Pwede mas magsanay kang tumawag sa akin sa pangalan ko, Silver."

"Eh di sige, Evita!" tila pangaasar pa rin nito na natatawa.

Asar talo na talaga si Evie ngunit kailangang magtimpi.

"Mommy?"

"Isa pa, Silver ah? Bubwisit na ko sayo."

"I love you."

Halos atakihin si Evie ng marinig ito. Nanginig ang buong katawan niya at parang nahulog ang ilang organs sa loob niya. Hindi niya malaman kung dapat bang pumalakpak ang tainga niya dahil nakakabingi iyon marinig. Kinakabahan man, umaktong galit pa rin ito upang hindi mahalata.

"Sira ulo ka ba?! Baka may --"

"Oo, Sira ulo talaga ako. Sira ulo ako noong pinakawalan kita. At mas Sira ulo ako kapag pinakawalan pa kita ulit." sincere namang saad pa ni Silver.

Halos habulin ni Evie ang hininga sa kaba.

Bwisit na lalaking ito? The more na iniiwasan ko, the more lapit ng lapit. The more na inaaway ko, the more nagiging sweet. Sira ulo talaga!

"Ewan ko sayo, Silverio! Ang lakas mong mang badtrip!" sabay walkout na nito at hinayaan na lang si Silver nagpakain ng aso niya.

"Wala man lang pa-thank you?!" sigaw pa ni Silver na nangaasar pa rin.

"Tse!" sigaw rin ni Evie ng habang naglalakad palayo.

NAGMARTSA si Evie papasok ng bahay at nakitang naroon na sa dining area sina Benjamin at Sofie.

"Oh? Tara na Evz! Nakita mo ba si Silver?"

"Nasa garden, pinapakain si Steve." sagot lang nito na pinagkatakahan naman ni Benjamin.

"Talaga? Close na sila kaagad ni Steve ah?"

"Try mong pakainin din, para mas umamo sayo."

"Sige, ako magpapakain mamaya."

"Eww! Baka malawayan ka pa nun? Ang daming germs nun! Baka may rabies!" komento pa ni Sofie na kinapapantig ng tainga ni Evie.

"Did you know na mas malakas ang rabies ng tao kaysa sa aso?" seryosong saad ni Evie na kinataasan lang siya ng kilay ni Sofie. "Huwag kang matakot sa aso ko, trained yun, hindi yun nangangagat ng pangit." sabay irap pa rito ni Evie.

Natatawa na lang si Benjamin para mabawasan ang tense sa pagitan ng dalawa.

Nang makabalik si Silver, kasunod na niya ang aso kaya napatili si Sofie. Sa gulat ng aso sa kanya, tinahulan siya nito.

"'Nak ng -- pwede ba? Aso lang yan! Sana hindi ka na lang sumama kung mas nagiinaso ka pa kaysa kay Steve!" bulyaw naman ni Evie na napapatakip pa ng tainga.

"Eh sino ba kasing may sabing magdala ka ng aso mo!"

"Ako, bakit? Eh aso ko yan eh! Alam mo bang mas gusto namin kasama si Steve kaysa sayo?" hindi naman na napigilan ni Evie ang bibig kaya humarang na si Benjamin sa harapan ni Sofie.

"Oh tama na yan. Nandito tayo para magsaya, pati na rin si Steve. Huwag na kayo magtalo." pa-cool pang saad ni Benjamin na nakapagpakalma naman sa dalawang babae.

"Tara, kumain na tayo. Ginutom ako."

Hindi gaya ng nauna nilang tanghalian noon, nakaplato at korbiyertos na sila. Pero tanging si Sofie lamang ang hindi nagkakamay.

"Evz, hinay-hinay baka mamaga ka." paalala pa bi Benjamin rito.

"Oo nga eh, pumipikit na lang ako." biro pa nito. Napasulyap naman siya kay Sofie at inirapan siya nito.

Kumuha si Evie ng ilang pirasong hipon ngunit nilagay ito sa plato ni Benjamin.

"Oh Benj, hilig ka sa hipon di ba?" pasaring nito na kinatatawa lang ni Benjamin ngunit hindi makapagsalita at tumango na lang. Parang may inside joke kasi na kinatawa rin nila Evie at Silver. Lalong tumalim naman ang tingin ni Sofie kay Evie.

At dahil hindi naman marunong magbalat si Evie ng hipon at alimango, si Silver muli ang magbabalat para sa kanya. Tapos nilalagyan naman ni Evie ng ensalada si Silver. Napansin naman iyon ni Benjamin at Sofie.

"Sweet." komento pa ni Sofie kaya tila natatahimik si Benjamin. Si Sofie kasi ang kusang nagbabalat ng hipon at alimango kay Benjamin dahil isa rin itong tamad.

MATAPOS ang tanghalian, nagpahinga na muna sila ngunit si Silver ay naging abala muli sa paghahanda ng mga gamit at pagkain nila dahil sa yacht sila nito ulit sasakay mamaya at sasalubong bagong taon.

"Wala bang wifi here?" reklamo pa ni Sofie habang palakad-lakad sa sala at hawak ang phone niya. "Gosh! Pati signal, wala!"

"We're here for vacation. Why don't you give yourself a break from social medias?" saad pa ni Benjamin habang naka-de kwatro sa sofa at may hawak na magazine.

"Ugh! Gusto ko lang mag-myday sa f* at insta noh!" pagmamaktol pagtaas-taas pa nito ng phone niya para makasagap ng signal.

Bigla naman napansin ni Sofie ang pagbaba ni Evie kasunod ang aso nitong si Steve, dumiretso silang kusina.

"Tss! Parang loka, kasama pa aso." pagtaas pa ng sulok ng labi niya.

"My mom has dogs too, doon sila nagkakasundo ni Evie aside sa baking." saad pa ni Benjamin dahil kahit hindi niya sabihin, medyo naiinis siya sa kaartehan ni Sofie patungkol sa aso. He's an animal lover too.

Bigla naman nag-laylow si Sofie.

"Ah, hindi naman sa ayaw ko talaga ng aso, pero kasi -- natatakot ako. Nakagat kasi ako nung bata ako eh." pagpapalusot pa niya kay Benjamin na seryoso pa rin ang reaksyon.

"Hindi naman si Steve yung asong nangagat sayo. He's a Belgian Malinois, and you know those kinds of breeds are smart and usually used as police dogs, right?"

Napapatungo na lamang si Sofie at tiim ng labi.

"Kung ayaw mong magkagulo kayo ni Evie, stay away from her dog." sabay ngiti pa ni Benjamin rito.

"Ugh? Bakit ako? Dapat aso niya ang ilayo niya sa akin!" protesta pa rin nito. "Imagine? Sa kwarto pa niya gustong patulugin! Argh!"

Natawa naman si Benjamin ng marinig ang hinaing ni Sofie. Knowing Evie, malamang ay inaasar nito si Sofie, kaso siya naman ang magsa-suffer dahil automatic itong lumipat sa guest room na tinutulugan niya. Mabuti na lamang ay twin bed iyon kaya hindi pa rin sila magtatabi ni Sofie.

"What's so funny?" inarte pa nito at nag-crossed arms sa harap ni Benjamin.

"Nothing. Mabait naman yung aso. Nakakatuwa nga at masunurin."

"Yeah, yeah! Just like her!"

Biglang nawala ang mga ngiti ni Benjamin sa pangiinsulto ni Sofie.

"Evie is not a dog." mahinang saad naman ni Benjamin na halatang hindi nagustuhan ang sinambit ng dalagang nasa nakatayo sa harapan niya.

"Yeah? Sunod-sunuran naman siya sayo di ba? Bakit hindi mo siya utusang ilayo ang aso niya sa akin?"

Napapailing na lamang si Benjamin dahil kinakalma ang sarili para makapagtimpi. Nobody has a rights to insult Evie.

"Eh di ba ang aso sumusunod at maamo sa nagpapakain sa kanya? No wonder mapunta kay Silver ang loyalty niya kasi he can give her a good offer!" pasaring pa ni Sofie na nakapagpatigil lay Benjamin.

Sinara nito ang binabasang magazine at napatingalang tingin kay Sofie.

"What do you mean?"

"Baka pinipirata na ni Silver ang sekretarya mo? Kita mo naman di ba kanina? Inaasikaso niya si Evie, tapos si Evie ganun din sa kanya? Don't you ever think na baka na kay Silver na ang loyalty niya?"

Napatayo naman na si Benjamin na hindi inaalis ang tingin kay Sofie. Napapaisip rin ito dahil sa mga sinabi ni Sofie ngunit mas malakas ang paniniwala niya at mas kilala niya si Evie.

Biglang ngumiti si Benjamin at mahinang pisil ang pisngi ni Sofie.

"We're all friends, kapag wala sa office o hindi work related, we're friends. Ginagawa rin sa akin ni Evie yun."

"Okay, whatever! Kaya pala matching sila ng watch!" sabay walkout pa ni Sofie at diretsong paakyat ng second floor.

Napaisip naman si Benjamin sa sinabi nito. Hindi niya napansin yun, pero mukhang kailangan niyang makasigurado muna.

HABANG nagiintay sila magdilim, nagpasya muna si Evie na maglibot sa beach front. Nasa tabi naman niya ang asong si Steve na naglalakad rin sa buhanginan habang nababasa ang mga paa nila sa bawat daloy ng alon. Nakayapak naman si Evie habang hawak lang ang flops niya, mabuti na lamang at nakapagpalit muna siya ng white shorts.

Mataas ang araw ngunit hindi niya alintana, gusto niya ang init ng pagdampi nito sa balat niya. Nakasuot naman siya ng sunglasses kaya hindi masakit sa mata ang sinag.

Sinasamantala niyang langhapin ang sariwang hangin dahil walang ganito sa metro.

"Gusto mo ba dito, Steve?"

Masunurin naman ang aso niya na kahit hinahabol ang pagakyat panaog ng hampas ng alon, sinusundan pa rin siya nito at hindi lumalayo sa kanya. Natuwa naman si Evie sa aso dahil first time nitong nadala niya sa beach.

"Mukhang nag-e enjoy ka nga."

Habang sa paglalakad, napansin na niya ang tulay kung saan nakaparada ang mga yate ni Silver. Naalala niyang narito nga pala ito at inaasikaso na ang mga gagamitin at dadalhin nila.

Dahil naroon na rin siya, nagpasya na siyang tumuloy doon para makita na rin ang ginagawa nito.

NAGING abala na si Silver sa pagaayos ng mga gagamitin nila para sa salubong. Katuwang ang katiwalang lalaki, dinala na nila ang ilang gamit roon, nilinis at kinundisyon na rin ang yate.

Nasa may tulay gilid lang ito ng tulay at sinasalansan ang mga kagamitan. Iniintay na lamang niyang matapos linisin ang yate para maisampa na niya ito roon.

"Hey?"

Napalingon naman si Silver sa nagsalita. Automatic namang gumuhit ang ngiti sa labi niya.

"Hey! Miss mo na ko?" napatayo ito ng maayos at iniangat ang sunglasses.

Biglang umirap naman si Evie sa kanya. "Nilakad ko lang si Steve kaya napadiretso rito."

"Miss mo ko eh."

"Baka pasabugin ko kaagad sayo yang mga paputok mo." pagtataray pa nito.

"Hey baby!" paghimas pa ni Silver sa ulo ng aso pagkalapit sa kanya.

"Inilayo ko lang din muna si Steve doon kay Sofie, baka magka-allergy eh."

"Si Sofie?"

"Si Steve! Duh?!"

Natawa naman si Silver rito.

"Buti hindi ka pinagseselosan ng girlfriend niya?"

"Ewan ko lang? Wala naman siyang dapat ikaselos. Marunong naman akong dumistansya." pagtanaw pa nito sa karagatan.

Napatungo-tungo naman si Silver rito.

"Gusto mong mag-jetski?" offer naman ni Silver kay Evie.

"Talaga? Pwede?"

"Oo naman, teka kukunin ko." at nanakbo naman si Silver sa may yate niya.

Ilang sandali lang ay papalapit na si Silver kay Evie sa dalampasigan habang nakasakay sa jetski niya. Ipinarada niya ito at bumaba roon. Lumapit naman si Evie sa kanya.

"Ikaw muna bahala kay Steve ah?" natutuwang saad nito at kaagad na sumakay ng jetski. Napaandar niya ito at kaagad na nagmaneho sa hindi kalayuan. Tinatanaw-tanaw naman siya ni Silver.

"Come on Steve! Kay daddy ka muna." lumapit naman sa kanya ang aso na kumakawag ang buntot. Naglakad sila pabalik sa may tulay banda.

"Silver!"

Kaagad na nag-angat ito ng tingin sa tumawag sa kanya.