Chapter 60

NAGMAMADALI NA si Silver sa pagmamaneho hanggang sa makarating na ng compound, nakita niyang naroon pa ang kotse ni Evie sa parking area kaya nakampante siyang narito ito.

*Tok tok!

"Mommy? Mommy?!"

Pagkatok niya sa pintuang naka-lock ngunit ilang minuto ang lumipas, walang nagbubukas. Sinusian na niya ang pinto ang bumungad sa kanya ang tahimik na kapaligiran. Patay ang mga ilaw at nakakapagtakang hindi yata siya sinasalubong ni Steve.

"Mommy? Steve?" pagtawag niyang muli ngunit walang sumasagot.

Nanakbo siya sa kwarto hanggang sa balcony, pati na rin sa banyo ngunit ni walang bakas ni Evie at ng aso nito.

"This can't be. Nasaan sila?" sinusubukan niya ulit tawagan ang numero ni Evie ngunit sa pagkakataong ito, out of coverage area na. "Shit!"

Sinubukan niyang tawagan si Benjamin at nasagot naman din kaagad.

"Benj!"

(Sorry, bud. Cannot be reach na siya.)

Napahilamos si Silver ng mukha at napahinga ng malalim para makalma.

"May alam ka ba kung saan siya pwedeng magpunta?"

(Ahm.. Wala eh. Pero subukan mong tanungin si Fe? Yun lang kasi alam kong close friend niya rito maliban sa akin.)

"Sige, tatawagan ko siya."

Gayun nga ang ginawa ni Silver ngunit gaya ng kay Benjamin, mas wala itong ideya kung nasaan si Evie dahil ni hindi siya kinontak nito.

Malakas na napabuntong hininga na lamang si Silver dahil hindi na naman niya malaman kung nasaan si Evie, ni hindi ito nagpaalam sa kanya o kung kanino man. Hindi siya mapakali at labis na nagaalala, sigurado siyang hindi ito uuwi ngayon ng apartment niya dahil dinala pa si Steve.

Naligo na siya at nagayos muli dahil kailangan din niyang pumasok pa sa opisina niya, marami siyang kailangang tapusin na trabaho. Kilala niya si Evie, kapag ayaw nitong magpakita, hindi talaga siya makakausap ng kahit na sino. Marahil nagpapalamig muna. Pero hindi ibig sabihin ay titigil na siya sa paghahanap rito.

Bago umalis ng apartment ay nag-iwan siya ng note sa coffee table kung sakaling bumalik na ito.

SA kabilang banda, matapos makipagusap ni Evie sa DSWD at nakipagkasundo na ibabalik na niya ang bata, hinayaan na niya ang ahensya ang paghusga kung anong kahahantungan ng kaso ni Tin tungkol rito.

"Hindi kita mapapatawad kapag kinuha nila sa akin ang anak ko! Hindi ako papayag na makuha niyo siya!" singhal ni Tin sa kanya habang magkaharap sila sa presinto.

Tila wala naman emosyon si Evie at ayaw na sanang pumatol rito.

"Hindi ako ang nagpabaya sa anak. Pasalamat ka nga't ako pa ang nakuha sa kanya." tila pagtataray niya rin dito.

Nanggagalaiting nakatingin lang sa kanya si Tin samantalang walang emosyon niya lang itong tinitingnan.

"Tama na po yan, susunduin na lamang po ng staff namin ang bata sa ospital." saad pa ng taga-DSWD.

"Silver Alessandro, siya ang bantay sa bata ngayon doon sa ospital." sagot pa ni Evie rito.

"Ang tatay po ng bata, tama ba?"

Nagkatinginan naman sina Evie at Tin sa sinabi ng taga-DSWD.

"Yun ang pinagpipilitan ng babaeng yan. Pero -- hindi pa kompirmado ng DNA result." tila naiilang na sagot pa ni Evie.

"Kung ganun po Ma’am, kung mapatunayang siya ang tatay ng bata, may karapatan po siyang mag-file ng custody."

"Hi -- hindi ko na siguro concern ang bagay na yan, Ma’am." tila pag-iwas pa rin ni Evie sa paguusap.

"Hindi mo concern? Ikaw ang asawa niya di ba? Ay?! Hindi pa pala kayo kasal pero noon pa man, alam ko na ang tungkol sa inyo. Akalain mong -- kayo pa rin pa pala ang nagkatuluyan." pag-smirk pa nito kay Evie. "Pero malaki ang takot ni Silver noon na malaman mo ang tungkol sa anak namin, I wonder kung -- tanggap mo na ba talaga ngayon?"

Tila natatameme naman si Evie at hindi malaman ang isasagot rito. Bumaling naman si Tin sa officer na kausap nila.

"Kung mapupunta sa tatay niya ang bata, hindi magiging mabuting madrasta ang babaeng ito! Baka saktan niya ang anak ko dahil hindi niya tanggap ang pagkakaroon ng magiging asawa niya ng anak sa iba!" pagduro pa nito kay Evie.

Tila nag-alangan naman ang taga-DSWD na mapanghusgang napatingin kay Evie.

"Hindi totoo yan! Ako ang nagalaga sa bata --"

"Dahil hindi mo alam na siya pala ang anak namin ni Silver!"

Halos kilabutan at manginig ang buong kalamnan ni Evie sa tuwing naririnig ang katagang anak nila ni Silver ang bata. Gusto niyang mangiyak ngunit pinipigilan niya ang sarili.

"Kung alam mo lang, sigurado akong hindi mo siya tatratuhin ng maganda. Anong alam mo sa pagaalaga ng bata? Eh wala nga kayong anak!" bulyaw pa niya kay Evie.

Napabuga ng hangin si Evie at iling na lamang dahil hindi siya makapaniwala sa mga sinabi ni Tin sa kanya. Gusto niya ring manggalaiti rito pero ayaw na lamang niyang palakihin pa ang gulo.

"Anong alam ko?" tila pagtataray na niya lalo. "Sapat na siguro ang alam ko para hindi gamitin ang anak ko para pagkaperahan at pabayaan sa mall para lang makatakas sa pinagkakautangan!" bwelta naman ni Evie sabay walk out na rito.

Lalo nanggalaiti si Tin sa kanya ngunit wala na itong nagawa kung hindi magalit na lamang sa kanya.

Pagkahatid ni Evie sa mga taga-DSWD sa ospital kung nasaan ang bata at si Silver, kaagad rin itong umalis upang makauwi sa apartment niya. Kanina pa siya kating-kati na makauwi dahil hindi na siya komportable sa mga nangyayari.

Pagkapasok na pagkapasok niya sa loob ng apartment niya ay sinalubong siya ng asong si Steve. Napaluhod siya sa sahig at niyakap ang aso.

Panay hinga siya ng malalim dahil sa bigat ng nadarama, gusto niyang bumuhos ang emosyon ngunit nakakapagtakang walang luha ng lumalabas sa kanya.

Mahal niya si Silver at nais niya itong makasama. Nais niya itong tulungan at suportahan sa lahat ng bagay. Ngunit hindi siya sigurado sa bagay na ito, ang posibilidad na pagkakaroon ni Silver ng anak sa ibang babae. Gusto niyang nasa tabi sana siya ni Silver habang nagiintay ng kompirmasyon ngunit mas natatakot siya magiging resulta.

Paano kung hindi ito maging pabor sa kanya?

Ayaw niyang papiliin si Silver dahil dugo't laman niya ito kompara sa kanya. Buong akala niya na hindi gagayahin ni Silver ang ama nito na maraming anak sa ibang babae ngunit gayun na rin pala ang kinalabasan.

Hindi pa siya sigurado kung matatanggap niya ito habang buhay.

Mabilis na tumayo at nag-impake si Evie, panigurado kapag nakuha na ang bata sa ospital ay pupuntahan siya ni Silver sa bahay niya kaya nais na sana niyang makaalis at lumayo muna rito upang mas makapag-isip siya at desisyon ng tama. Nahihirapan siyang magdesisyon kapag malapit si Silver sa kanya. Kapag kasama niya ito, pakiramdam niya ay ayos na ang lahat. Ngunit kapag wala, nanunumbalik ang pangamba niya at pagaalangan, kaya kailangan niyang magdesisyon na base sa totoong kagustuhan niya.

Umalis si Evie ng apartment niya kasama ang asong si Steve, hindi niya malaman kung saan siya pupunta sa ngayon pero kailangan niya munang mapag-isa na naman.

GAYUN nga ang nangyari sa loob ng ilang araw, inabala ni Silver ang sarili sa pagtatrabaho muna hanggang sa hindi pa niya nako-contact muli si Evie. Napagalaman niya ring nagpadala lamang ito ng email ka Benjamin na nais ng mag-resign ngunit hindi pa ito inapeubahan ni Benjamin.

As day goes by, habang nagiintay rin ng resulta na ng DNA testing nila Silver at ng bata, sinubukan niya rin ipahanap si Evie sa kanyang private investigator ngunit nasabihan siya ni Benjamin na huwag na lamang kaya ipinatigil na rin niya.

"She needs time, she needs it to figure it all out on her own."

"What if -- she never returned?"

"Well, let's say that -- she's really moving on."

Napahilot na lang ng sintido niya si Silver habang ininom naman ni Benjamin ang alak na hawak sa rock glass. Narito sila ngayon sa balkonahe ng condo unit ni Benjamin.

Madalas bisitahin ni Silver si Benjamin sa building ng opisina nito kahit wala naman silang board meeting o kung ano pa mang related sa trabaho na paguusapan. Laging patungkol lang kay Evie ang usapan nila dahil nagbabakasakali si Silver na si Benjamin ang una nitong kontakin.

"Kailan -- lalabas ang results?"

"Sa makalawa."

"Baka kung -- alam na rin niya ang resulta, mas madali sa kanya magdesisyon."

Napaharap naman si Silver sa kanya na puno pa rin ng pagaalangan.

"What if -- she doesn't accept it?"

"Then you have to accept that. Hindi mo naman pwedeng ipilit sa kanya kung labag talaga sa loob niya. I know she loves you, and if you believe on that too, have faith on her then." pagngiti pa nito at tapat ng rock glass kay Silver bago uminom muli ng alak.

"Talagang kilala mo siya ah."

"Actually, mahirap siyang kilalanin. I just felt lucky that -- she let me know her."

"I'm just so worried where she could be by now. Wala rin naman siyang friends masyado dito maliban sayo."

"And she even brought Steve with her." pasaring pa ni Benjamin na nangingiti.

"Are you saying na mas ginusto pa niyang kasama ang aso niya kaysa sa akin?"

"That's what happened, dude."

Napa-smirk na lamang si Silver at iling ng ulo. He felt amazed and disbelieved at the same time.

"Paano ko naman masasabi sa kanya ang resulta kung hindi man lang siya nagpaparamdam di ba? Hindi rin naman madali sa akin tanggapin kung ano man ang kalalabasan nun eh."

"Pero wala kang karapatan magreklamo." pagduro pa saglit ng hintuturo ni Benjamin rito habang hawak ang rock glass. "If you really believed that she loves you, have faith on her."

"I do."

HINDI malaman ni Evie kung saan talaga siya dapat pumunta, bitbit ang isang maliit na maleta at ang tali ni Steve, napahinto siya sa paglalakad sa gitna ng kalsada.

Napayuko siya ng tingin kay Steve na nakaupo lang din at napatingin sa kanya.

"Saan nga ba tayo pupunta Steve?" malakas na buntong hininga na naman ang nagawa niya at patuloy na naglakad.

Kaunti pa lamang ang nalalakad ni Evie, muli siyang natigilan na tila may pumasok sa isip niya na kinabigla niya. May pagaalangan ngunit nais niyang subukan.

Napayukong tingin muli siya sa aso na nakatingin lang muli sa kanya na tila nagiintay.

"Alam ko na kung saan, Steve." matipid niyang pagngiti sa aso.

Dinala nga ng mga paa niya si Evie sa airport at kahit kailangan niya pang magayos ng ilang dokumento para maisama si Steve sa byahe niya, pinagpatuloy niya pa rin ito.

Pagkalapag pa lamang ng eroplano, pumara na siya ng taxi patungo sa lugar na naisip niyang puntahan, halos ayaw pa siyang isakay neto dahil natakot kay Steve.

"Pasensya na po kuya, mabait naman po yan." saad pa ni Evie habang nakaupo sa passenger's seat ng taxi.

"Ah eh, nagulat lang ako hija. Pero mukha naman ngang turuan yang aso mo."

Arf!

Pero nangiwi ang driver na halatang nagulat sa pagtahol ni Steve sa backseat.

"Ah eh hija, sa Irish Paradise ba?"

"Opo, kuya."

"Ang alam ko -- bawal yata ang alagang hayop doon eh.."

"Ahm ganun po ba?" nadismaya naman si Evie at kaagad na napaisip.

"Pero may alam pa kong resort kung saan pwede na daw ang mga alagang hayop dalahin."

Napatingin si Evie rito.

"Saan naman po?"

"Sa Kaur Luxury Hotel and Resort."

"Sa Kaur Luxury?" tila napagtanto ito ni Evie.

"Oo, noong nakaraan din kasi naghatid ako ng guests dun, may mga dalang maliliit na aso naman. Nung natanong ko, ayun! Sabi pwede naman na daw doon ang hayop." saad pa ng driver na tila kinatutuwa ni Evie.

"Si -- sige po kuya, doon na po tayo."

"Alam ko pa nga, nabenta na yata yang Kaur resort na yan eh, sino kayang nakabili?"

Mukhang kahit hindi pa nagpapakilala ang bagong resort ay kinikilala pa rin ito.

"Maganda kasi ang ginawa niyang yun, dadami guests nilang animal lover. Hindi ng ibang resort lalo na yung Tionco Resort, ang mahal na, ang arte pa!"

Napalunok at tikhim na lamang si Evie sa sinabi ng driver.

"Hay.. Taga dito ako sa Palawan, pero ni hindi pa ko nakakapag-check sa mga resort na yan. Ang sososyal eh!" biro pa nito na kinangiti na lamang din ni Evie.

Nang makarating si Evie ay sinalubong naman siya sa resort  with matching welcoming drinks and flower crown, at inalalayan hanggang sa reception area.

"Good afternoon, Ma’am! Do you have a reservation?" panimula ng receptionist pagkalapit kay Evie.

"Ahm, no. Do you still have any rooms available?" pagbabakasakali nito na kinaalangan ng receptionist.

"Ahm, for a moment Ma’am, I'll check if there's still an available room."

Naiwan si Evie habang nakaupo sa couch sa reception area. Hinihimas niya ang ulo ni Steve na nakaupo sa sahig katabi niya. Tinatanaw niya ang receptionist sa counter nito na abala sa monitor ng computer.

Alam niyang baka sakali ang pagpunta niya rito dahil ni hindi siya nakapagpa-book ng kwarto, ni hindi man lang siya tumawag muna sa resort. Napatanaw-tanaw na lamang siya sa paligid ng reception area na may iilang nagdadaan dahil pinapalitan ang ilang disenyo at ilang displays sa area na iyon, halatang nagkakaroon nga ng renovation dahil kanina sa entrance ay may iilang construction na ginagawa.

Makalipas ang ilang minuto ay bumalik na rin sa kinauupuan niya ang receptionist.

"Ahm, Ma’am. I'm so sorry to inform you that we're no longer have any rooms available as of this time."

"Ah, it's okay. I was just came here by chance --" pagtayo na sana nito.

"But wait, Ma’am!" pagpigil kaagad nito kay Evie. "In two hours, we have a check out in one of our junior suite room, would you like to take that room?

"Junior suite? In two hours?"

Pagngiti at tungo-tungo naman sa kanya ng receptionist.

"Ahm, sure. I'll take it."

"Great, Ma’am! There's a terrace there where you can place your dog. You know what, since we've changed our management, we made our resort became more animal friendly." magiliw pa nitong saad.

Nangiti na lamang din si Evie rito dahil alam niyang bihira sa mga luxury hotels na hinahayaan ang mga alagang hayop sa lugar, ngunit alam niyang napalitan nga ang management nito dahil si Silver na ang bagong may-ari. Marahil sinadya nito itong gawin na.

"May I borrow one of your IDs Ma’am? So I could make your bookings." inabot naman rito ni Evie ang isang ID niya. "For a moment, Ma’am."

Bumalik ito sa counter niya at humarap muli sa monitor ng computer. Tiningnan niya ang ID na hawak at halos maningkit ang mata niya. Sinulyapan niya pang muli si Evie na tahimik lang na nakaupo at magiintay.

"Parang pamilyar? Evita -- Symaco? Evita Symaco?" natitigilan ito na tila napapaisip.

"Dani? Can you send me some guests' report for next week's bookings?" biglang labas ng manager ng front desk mula sa opisina nito at lapit sa receptionist sa counter.

"Sure, Sir. Tapusin ko lang po toh."

Napansin ng manager ang ginagawa nito kaya nilapitan na.

"May walk-in?"

"Opo Sir. Sa junior suite na."

"Nice. And she had a dog."

"Oo nga po Sir eh, nakakatakot lang lapitan yung aso, malaki pa sa K-9 dogs natin dito eh."

Napadungaw naman ang manager sa reception area at nakita nga roon si Evie. Halatang nagandahan ito sa dalaga kaya habang nagta-type pa ang receptionist, kinuha niya ang ID nito.

"Evita Symaco?" nagtatakang saad nito habang minamasdan ang ID na hawak.

"Yes, Sir. Seems familiar."

"Evita Symaco -- Evita -- oh shit!" pagkabigla nito na tila may naalala. Kaagad niyang tinakpan ang bibig upang hindi makalikha ng ano pang ingay.

"Bakit po Sir?" kinataka naman nito sa manager niya.

"Evita Symaco! My goodness! Siya yun!" hindi naman nito makubli ang pagkabigla at hindi makapaniwala pero sinusubukan itago ang emosyon.

"Ano pong mayroon sa kanya Sir? Celebrity po ba? Politician?"

"Hindi! Siya yung -- bagong co-owner ng resort as per Sir Silver!"

"Yung bago pong may-ari ng resort?!"

"Oo!" tila inayos nito ang sarili at mas lumapit sa receptionist. "Huwag mo muna itong ipagsasabi ah? Last time kasi sa meeting namin, bukod sa binago ni Sir Silver ang management at policies, sinabi niya ring may co-owner ang resort."

"Ohh? So siya po yun? Sure kayo Sir?"

"Oo! Siya yun! Evita Symaco! Saka -- di bale alam niyong papalitan ang pangalan ng resort natin?"

"Oo nga po Sir eh, gagawing Ev -- OMG Sir!" nagtakip din kaagad ito ng bibig ng magulat sa napagtanto.

"Tama! Pero -- huwag ka munang maingay dyan ah? Baka nandito para alamin ang nangyayari sa resort."

"Hindi po ba nag-inform si Sir Silver?"

"Hindi eh. Baka surprise visit kaya -- treat her as VVIP! Let all the staff know but please, keep it lowkey. Baka kaya hindi siya nagpakilala kaagad para hindi siya mabigyan ng special treatment."

"You have a point Sir, sige po! Ipapa-priority room ko na po siya."

"Is everything okay?"

Halos mapalundag naman ang dalawang nasa counter ng magsalita si Evie sa tapat nila.

"Ah eh, yes Ma’am! Everything's good! We're just preparing your room immediately." magiliw pang saad ng receptionist.

"Thank you. Can I tour around here at the resort while waiting?"

"Sure Ma’am! Do you want me to tour you around?" offer pa ng manager.

"Ahm, it's okay Sir. I can manage."

Nagmamadaling lumabas ng counter ang manager at humarap kay Evie na hindi nawawala ang ngiti sa mga labi.

"I'm Lance, Ma’am. Front desk manager. Sorry for this inconvenience, we'll make sure your room will be ready in less than two hours."

"It's okay Sir, I came here without any bookings, it's a privilege you found me one in short notice."

"Ah, of course Ma’am! You're a priority -- I mean, every guests' here is our priority and also --" napatingin ito kay Steve na halatang medyo natatakot. "Your dog."

"Ah, thank you. I'm so glad I found this place."

"Hopefully you'll enjoy your stay Ma’am. I would like to endorse to some new features on our resort but it's not yet done so it saddens me I couldn't show it to you by now."

"That's totally fine. I'll get myself busy around. And I'll come back soon."

"Sure madam! I'll see you." halos mapakapit ito sa counter dahil sa kaba at takot ng makaalis na si Evie. Labis itong ninerbyos dahil alam niya kung sino si Evie ngunit wala naman idea doon ang dalaga.

"Grabe Sir, hindi halatang co-owner siya kung umasta! Tingin niyo? Girlfriend kaya siya ni Sir Silver?"

"Ayt! Huwag ka na ngang chismosa dyan! Wala na tayong pakialam doon!" napanguso naman sa kanya ang receptionist "Akala ko talaga magpapakilala na siya kanina pero hindi pa pala. -- Kaya sigurado akong -- nandito siya para masuri ang bagong resort! Kaya ikaw!" bumaling muli ito sa receptionist. "Umayos kayo ng trabaho! Magpakitang gilas kayo kung ayaw niyong masisante!"

"Opo Sir!" pagnguso pa nito.

NAGLAKAD-LAKAD nga si Evie sa loob ng resort at dinala siya ng mga paa sa restaurant area. May tatlong magkakaibang theme na restaurant ang naroon, ngunit sa dulo ay may tila may isa pang ginagawang bagong kainan, mukhang isang coffee shop naman dahil nakapaskil sa labas nun ang pangalan.

"Benjamin's Brew huh? So nagpatayo pala talaga siya dito?" halos mangiti na lamang si Evie kahit hindi makapaniwala sa pangalan ng coffee shop na itatayo. Sigurado siyang kay Benjamin ito.

Nakita niya rin ang souvenir stores, gym area at ang wellness spa. Pagdating sa second floor ng building, bumungad kaagad sa kanya ang casino area at sa dulo ay may mukhang bagong ginagawang restaurant bar area. Lumapit doon si Evie at minasdan ang tila bagong kabit na pangalan ng lugar.

"Silver Lining? Parang hindi naman nila masyado pinagisapan ang pangalan?" nangingiti at naiiling na lamang si Evie rito bago nilagpasan.

Marami-rami pa rin ang guests ng resort kahit pa halos kalahati ng facilities and features nito ay under renovation, may mga bago ring tinatayong features kaya hindi maaaring puntahan pa ng guests.

Pagkababa niya muli at labas sa main building ng resort, nakita niya rin ang ginagawang bagong playground, katabi ang isang pang playground na mukhang para sa mga alagang hayop ng guest, tila isa itong grooming and vet clinic.

Hindi napigilan ni Evie na mangiti dahil paniguradong ideya ito ni Silver.

Mula sa infinity pool area, tanaw na ang beach front. Lumanghap siya ng sariwang hangin ng lugar bago tinanaw muli ang beach.

"Mas maganda dito kaysa sa Pangasinan, di ba Steve?" maikling ungol lang ang sinagot ng aso na kinatawa ng bahagya ni Evie. "Ang loyal mo dun, may playground at grooming center nga dito oh?"

Naglakad pa rin si Evie palibot sa pool area hanggang sa garden area ng resort. Nakita niyang mukhang nire-renovate rin iyon pero kahit hindi pa tapos ay nagagandahan na siya sa bagong cupid fountain na nasa gitna na mukhang kinakabitan pa ng ilaw sa paligid. May mga bagong halaman ring tinatanim at nilalagay sa paligid, kapansin-pansin ang mga tulips na iba't ibang kulay roon.

Halos nalibot na ni Evie ang ilang features at facilities ng resort kaya bumalik na siya sa reception area. Tamang-tama ang dating niya dahil nakahanda na ang kwarto niya kaya naman sinamahan na siya ng butler at housekeeping patungo rito.

"This is your junior suite room, madam." paghaya pa ng pinto ng butler para makapasok si Evie.

Junior suite ngunit kompleto ng living area set with matching 50 inches flat screen tv, dining and kitchenette. Sa pinaka bed room area, may walk-in closet and another mini couch area with a perfect beach view and balcony.

"Wow.." halos matameme si Evie sa ganda ng kwarto. Mabilis siyang napalunok dahil tila nabibigla yata siya sa kwarto na nakuha, afford naman niya ito pero hindi yata sa pang matagalan na stay.

"If you need anything else Ma’am, just dial 1 on your room phone and it will directly connects on me, dial 0 if you wanted to be connected on the front desk. Dial 2 for housekeeping, 3 for restaurant. Hope you enjoy your stay. Have a good day!"

"Thank you!"

Yun lamang at umalis na rin ito ng silid. Naiwan na lamang si Evie roon at Steve na mukhang namamangha pa rin sa kwarto.