KABANATA 10

"SCARLET!" hinihingal na sabi ni kuya Daryll. Nakatira s'ya malapit sa inuupahan ko.

Inalis ko ang earphones sa tainga ko. "Nasusunog ang bahay—"

Hindi ko na hinintay na matapos ang sasabihin n'ya. Agad akong tumakbo ng mabilis patungo sa apartment ko nang nakita ko ang makapal na usok na nanggagaling dito. Bumungad sa'kin ang mga kapit bahay namin na naghahakot ng kan'ya-kan'ya nilang gamit. Hinawakan ko ang dulo ng box na buhat ni ate Levy, ang landlord ng inuupahan ko, para tulungan s'ya. Natupok na ang buong bahay kaya wala na akong mai-sasalba pa. Mabuti nalang at mga damit ko lang ang naroon dahil sa locker ng AC University ko nilalagay ang mga importante kong gamit.

GUMUHIT ang ngiti sa labi ni ate Tessy nang nakita n'ya ako. Karga n'ya ang dalawang taong gulang n'yang anak habang ang isa naman ay mahimbing nang natutulog sa nakalatag na karton. Umupo ako sa tabi n'ya at kinuha ko ang supot sa bag ko.

"Kumain muna po kayo," ani ko sakan'ya.

Ngumiti s'ya ng malapad bago