KABANATA 3

PINUNASAN ko ang pawis sa mukha ko at pinagmasdan ko ang kabuoan ng bahay ni Xian bago ko pinihit ang door knob. Gumaan kahit papa'no ang loob ko dahil nakausap ko sila Stacey kagabi. Napamura ako sa aking isip nang nakita ko ang oras sa suot kong relo.

"I'm sorry, I'm late," nakayuko kong sabi pagpasok ko.

"It's okay," walang gana n'yang sagot na hindi manlang ako tiningnan.

Kumunot noo ako nang dumapo ang mata ko sa hawak n'yang plato. Mariin kong kinagat ang aking pang-ibabang labi para magpigil ng tawa. Kasing kulay ng buhok n'ya ang hotdog na prinito n’ya, mistula itong uling na pahaba. Tanging puting bathrobe lang ang nakatakip sa katawan n'ya, at tumutulo dito ang tubig na nanggagaling sa buhok n’ya. Luminga-linga ako sa paligid.

Bumalik siya sa kitchen counter. "Have a seat."

"Sir, ako na jan. M-magbihis ka muna," mahina kong sambit.

Binitawan n'ya ang hawak n’yang kutsilyo, at humarap s’ya sa gawi ko. "Bakit? Naiilang ka ba sa suot ko?"

Tumaas ang balahibo ko dahil sa malalim n'yang boses.

"Hindi po, sir," taas noo kong sagot.

Nanlaki ang mata ko nang hinawakan n'ya ang lace ng suot n’yang bathrobe para hubarin ito. Lumunok ako ng laway, at nataranta ako kung saan ko ibabaling ang atensyon ko. Malakas n'yang tawa ang pumalibot sa paligid.

"Pasalamat ka at nag-brief pa ako," seryoso niyang sabi.

Damn Xian!

"As if this is your first time seeing me naked."

BAHAGYA akong umurong nang umupo si Xian sa tabi ko. Ramdam ko ang bawat titig na binabato n'ya sa’kin.

"I wish you'd respond to my kiss when I proposed," seryoso n’yang sabi.

May kung anong tumusok sa puso ko.

"Alam mo kung ano ang nasa isip ko nung araw na 'yon? Hindi ako titigil hangga't hindi ka tumutugon..."

Binaba ko ang hawak kong iPod at tiningnan ko s'ya. Nanatili s'yang nakatitig sa akin; Magkahalong sakit at lungkot ang nakapalibot sa mata n'ya.

"Kung hindi ako umalis at nanatili ako sa tabi mo... matututunan mo rin ba akong mahalin katulad ng kay Aiden?"

Umiwas ako ng tingin at binaling ko ang atensyon ko sa hawak kong iPod.

"Siguro hindi." Sunod-sunod na tango ang ginawa niya. "Binaboy kita," nagtiim bagang s’ya, "kaya kahit kailan hindi mo ako magugustuhan."

"Tungkol sa meeting ang pag-uusapan natin sir, hindi ang nakaraan," seryoso kong sabi.

"I only have one wish, Scarlet." Huminga s'ya ng malalim. "Let's not meet again, baby."

Sumikip ang dibdib ko kasabay ng pagdampi ng mainit na likido sa aking pisngi.

"Please resign as my secretary.”

I'm sorry Xian but I need this job.

NAKAHIGA ako sa kama ng hotel na tinutuluyan ko habang pinagmamasdan ko ang engagement ring na binigay sa’kin ni Xian nung nag propose s’ya 5 years ago. Mainit na likido ang dumampi sa pisngi ko nang pumikit ako at inisip ang nangyari nung araw na ‘yun.

NAKAKUNOT ang noo ko habang pinagmamasdan ko ang pamilyar na bahay. Bagong pintura ito at halatang kaka-renovate lang nito.

“Sa tapat ng bahay na ‘yan tayo unang nagkita.”

Suminghap ako nang inalis ni Xian ang seatbelt sa katawan ko.

Nag angat s’ya ng ulo dahilan ng pagtama ng mata namin. “Muntik ko nang masilayan ang panty mo nung araw na yun,” natatawa n’yang sabi.

Mas uminit ang pakiramdam ko dahil dumadampi ang hininga n'ya sa balat ko. Hinawakan ko s'ya sa pisnge at marahan ko itong hinaplos. May gasgas ang mukha n’ya ngunit hindi ‘yon naging dahilan para mabawasan ang ka-gwapuhan n’ya. Kitang-kita ang band-aid sa noo n’ya dahil nakataas ang buhok n’ya.

“Mahal kita, panghawakan mo ang salitang ‘yan,” mahina kong sabi bago ko s’ya hinalikan sa labi.