Chapter 30

Kanina pa naglalakad sa harap ni Igneel si Aricella, inaantay niyang matapos ito sa ginagawa. Hindi niya alam na kanina pa tapos si Igneel, pinagmasdan lang siya ng palihim habang nakatingin sa harap ng laptop nito.

"May problema ba?"

Napahinto si Aricella sa paglalakad dahil sa gulat niyang magsalita si Igneel at ramdam niya ang malamig na boses nito. Napaisip tuloy siya kung bakit naging malamig ang pakikitungo ni Igneel sa kanya simula ng pumasok siya sa opisina ni Igneel.

"Matagal ka pa ba matatapos?" tanong ni Aricella, pinipigilan ang sariling sumimangot.

Magtatanghalian na, pinaalis niya si Carlyn na siyang nagtanong kung ano ang gusto niyang kaininan para sa tanghalian. Ang sagot niya ay aantayin niya muna si Igneel kaya pinauna niya si Carlyn kumain kasama ang ibang impleyado.

"Malapit na ako matapos. Marami pala itong pinapagawa mo kaya hindi ko agad natapos, pasensya na." Mahinahong sabi ni Igneel.

Napansin niyang tinignan ni Aricella ang relo nito kaya napatingin din si