Chapter 32

Kinabukasan maagang pumunta si Carlyn at ang kanyang ina sa hospital para sa operation ni Ricardo, ang kanyang ama. Hindi na rin siya pinapasok ni Aricella sa opisina dahil alam naman nito ang sitwasyon ni Carlyn.

Sa labas ng operating room, nakaupo si Carlyn at ang kanyang ina; nag-aantay na matapos kahit na halos apat na oras ang sinabi ng doctor na matatapos ang operation. Sa gilid naman nila ay si Jonas, naiilang si Carlyn sa presenya nito. Inutusan kasi ni Aricella na samahan muna sila Carlyn.

"Pinabili ng Mama mo," biglang sabi ni Jonas at inabot ang dalawang burger at dalawang coke na binili nito sa McDonald.

Gulat at nagtatakang tumingin si Carlyn sa kanya kahit na namamaga pa rin ang mga mata nito kakaiyak. "Si Mama ang nag-utos?" tanong niya sabay baling sa ina niyang tahimik na nagdadasal sa gilid.

Hindi sumagot si Jonas, bagkus hawak niya pa rin ang bitbit nitong mga pagkain at hindi pa rin kinukuha ni Carlyn. "Magkano iyan? Babayaran ko," dagdag ni Carlyn.

"Walang bay