KABANATA 14

Kahit anong kondisyon ni Clarisse sa kanyang sarili na huwag magpaapekto sa mga sinasabi at ginagawa ni Drake ay hindi niya pa rin maiwasan. Kuyom na kuyom ang kanyang kamay habang papunta sila sa venue ng kaarawan ni Trina. Gusto niya na lang sanang matapos ang gabing ito nang walang gulo.

Ang sabi niya sa kanyang sarili ay hindi na siya papatol sa kahit anong sabihin ng lalaki pero sadyang hindi niya kaya dahil talagang walang humpay ang pang-iinsulto sa kanya. Talagang nagalit ito sa sinabi niya kanina kaya ngayon ay hindi sita nito tinatantanan ng mga masasakit na salita.

Hanggang sa pagkababa nila ay patuloy pa rin ang parinig nito. Mas lalong naikuyom ni Clarrise ang kanyang mga kamay nang pagkapasok nila sa venue ay may sumalubong agad sa kanila.

“My, my! Look who’s here!”

“Today’s protagonist!”

Kinantiyawan siya ng mga taong sumalubong sa kanila. Nang titigan niyang maigi kung sino ang mga ito ay saka lang niya makilalang ang mga ito ay ang circle ni Drake na noon ay sobran