KABANATA 13

Takang-taka si Clarisse habang nakatitig kay Drake na noon ay nasa kanyang harapan. Kasalukuyan siyang nasa sala noon at nakaupo sa mahabang couch. Ang anak niya ay nasa kwarto at natutulog pa. Umaga na iyon at hinihintay na lang niyang matapos ang kanyang niluluto. Sobrang bait ni Callen dahil sobra-sobra ang ibinigay nitong pagkain para sa kanila kaya naman may naluto pa siya kinabukasan. Mabuti na lang din iyon kasi hindi nga sila pinapalabas. Nagulat na lang siya nang biglang pumasok doon si Drake.

“D-Drake…” Napatayo siya at ramdam na ramdam niyang nanginginig ang kanyang mga kamay habang magkaharap sila ni Drake.

Mukha itong bagong gising at tila labag pa sa loob nito ang pagpunta nito sa kanya. Napalunok siya habang pinagmamasdan niya ito.

“Tsk. Sasama ka sa akin ngayon,” mariing sambit nito.

Napaawang ang labi niya at biglang kumabog ang kanyang dibdib. “H-ha? Bakit? T-teka, saan tayo pupunta?” sunod-sunod niyang tanong dito.

“Tsk. Bakit ba ang dami mong tanong? Sumama k