Chapter 142.3

Hawak ni Annie ang gamot sa isa niyang kamay at nakayuko pa rin hanggang sa mga oras na iyon at halos hindi niya alam kung anong sasabihin niya kay Olivia.

“Huy bat napaka-tahimik mo diyan? Nag-aalala ka pa rin ba? Huwag ka ng mag-isip diyan ng kung ano-ano tutal ay sinabi naman na ng doktor na hindi ito mag-iiwan ng pelat e.” sabi ni Olivia rito. Sa itsura kasi nito ay mukhang sinisisi nito ang sarili sa nangyari.

Mabilis namang nag-angat ng ulo si Annie at pagkatapos ay tiningnan ito. “Pasensiya ka na talaga, Via. alam kong ilang beses ko ng sinabi sa iyo ang salitang iyon pero kailangan kong sabihin ulit.” sabi niya rito.

Ngumiti lang naman ito sa kaniya. “Ano ka ba naman. Tumigil ka na nga sa kasasabi mo niya. Huwag ka ng mag-alala pa dahil wala namang magiging peklat ito at tyaka may paraan si ate Mia para mawala ito. Bukod pa doon ay napakarami namang paraan e kung sakali mang magkaroon ng peklat, napakagaling na kaya ng teknolohiya ngayon.” sabi nito sa kaniya at nang marinig