Chapter 143.1

Sa gitna ng ulan ay naiwan si Lucas doong nakatayo mag-isa habang nakasunod ng tingin kay Annie.

Samantala, sa takot naman ni Annie na baka habulin pa siya nito ay nagmamadali siyang tumakbo at pumasok sa loob at sumandal sa pinto. Sobrang bilis ng tibok ng puso niya at sobrang kirot din. Nagmamadali siyang pumasok sa banyo at naligo. Pagkatapos ay nahiga na siya ngunit bago pa siya matulog ay tiningnan niya muna ang kanyang cellphone at pagkatapos ay nakita niya na may chat galing kay Lucas. “Annie hindi ako pumapayag na maghiwalay tayo. Hinding-hindi kahit na mamatay ako.” sabi nito.

Sa halip na magreply ay mabilis siyang nagtalukbong ng kumot at pinilit na matulog at huwag na itong isipin pa. Kinaumagahan, nagising siya dahil sa tunog ng cellphone niya. Akala niya ay iyon ang tunog ng alarm clock niya ngunit tawag pala iyon. Nakita niyang si Kian ang tumatawag kung saan ay agad niya naman itong sinagot.

“Miss Annie, may sakit si sir ngayon at kailangang-kailangan siyang madala sa