Chapter 141.1

Pagdating nila sa ospital ay agad din naman na gumaan ang pakiramdam ni Annie kahit na papano. Isa pa, paulit-ulit niyang sinasabi sa sarili niya na kung ano man ang nararamdaman at problema niya ay hindi niya dapat iyon dalhin sa trabaho niya dahil baka maka-apekto lamang iyon sa paggawa niya. Kailangan niyang palaging kalmado dahil kung hindi ay hindi naman siya ang maaapektuhan kundi ang mga magiging pasyente niya.

Pagkatapos niyang magbihis ng damit ay agad siyang nakatanggap ng tawag na may pasyente raw na dumating at may cerebral hemorrhage at delikado raw ang kondisyon. Nang marinig niya ito ay hindi na siya nag-aksaya pa ng oras at mabilis na tumakbo patungo doon.

Dahil sa edad ng pasyente ay nagkaroon pa ng ibang komplikasyon at halos sampung oras na inubos nila sa loob ng Emergency room bago naging stable ang lagay nito. Ni hindi sila kumain o uminom ng tubig habang nasa loob sila at halos silang lahat ay pare-pareho ng nararamdaman pagkatapos ng operasyon. Nanghihina din si