Chapter 13.2

Agad na inabot ni Lily ang isang baso ng tubig na ibinibigay nito sa kaniya at pagkatapos ay napanguso at mabilis na nilingon siya. “Kasalanan mo ang lahat ng ito e.” sabi niya rito at pagkatapos inirapan ito. “Sinabi ko na sayo noon na dapat pagkatapos lang ng isnag taon ay balikan ko na siya pero hindi ka pumayag. Tingnan mo, isang taon pa ang pinalipas ko at ngayon ay may higad nang nasa tabi niya.” inis na sabi niya rito.

Sinulyapan lamang siya nito at pagkatapos ay napabuntung-hininga at sumandal sa sofa. “Prinotektahan lang kita. Isa ba ay mas mainam na rin iyon dahil ngayon ay naisguro mo na magaling na talaga siya. Bakit kung sakaling muli siyang hindi makalakad bigla, handa ka bang alagaan siya?” tanong nito sa kanya.

Hindi naman siya nakaimik at pagkatapos ay uminom na lamang siya ng tubig. Matapos niyang uminom ay hindi muna siya nakapagsalita kaagad nang bigla na naman itong nagtanong sa kaniya. “Tinanggap ba niya ang tseke na sinabi mong ibibigay sa kaniya?” tanong nito.