Chapter 14.3

Pagkasara pa lang ng pinto ay agad nang hinawakan ni Lily ang unan at itinapon sa sahig pagkatapos ay nag-umpisa na namang umiyak. Sa pagkakataong iyon ay mas malakas na ang kanyang pag-iyak kaysa kanina.

Dahil sa matinding pag-iyak ay medyo nahirapan na rin siyang huminga at habol-habol niya ang kanyang paghinga. “Si Noah ang childhood sweetheart ko at ang aking boyfriend sa halos sampung taon. Bakit parang hindi man lang iyon mapantayan ng tatlong taong pagsasama nila ng babaeng iyon?” humihikbing tanong niya. “Galit ako sa kaniya!” sigaw niya at halos magpapadyak pa sa kanyang kama na parang isang bata ng mga oras na iyon.

Agad namang pinulot ni Dexter ang unan na ibinato ni Lily at ibinalik ito sa kama. “Noong nakasama mo si Noah ay okay pa siya at malakas, wala siyang problema pero nang nakasama niya ang babaeng iyon ay sobrang hirap na hirap siya at halos mawalan na ng pag-asang makalakad pa. Tulad nga ng kasabihan ay kung sino ang kasama mo sa paghihirap ay iyon ang tunay na ma