Chapter 13.5

Agad na ngumiti si Axel sa kaniya. “Nandito rin pala ang pinsan ni Alexa.” sabi nito sa kaniya at pagkatapos ay nilingon si Alexa. “Kakalabas ko lang mula sa operating table at nabalitaan ko ang nangyari sa kamay ni Alexa kaya pumunta ako rito.” sabi nito sa kaniya.

Ang mukha ni Noah ay nanatiling ganun pa rin at hindi nagbabago ngunit sa totoo lang ay naiinis na siya. “Hmm, mukhang napakarami mong pinagkaka-abalahan.” sabi niya rito sa malamig na tinig.

Agad naman na ngumiti ito sa kaniya at mabilis na sumagot. “Ang trabaho ko talaga ay isang doktor at ang shop na pinapasukan ni Alexa ay pag-aari ng aking ama.” mabilis na sagot nito sa kaniya. Ilang sandali pa nga ay nilampasan siya nito at naglakad patungo kay Alexa pagkatapos ay umupo sa tabi nito.

Inilapag ni Axel ang dala-dala niyang bulaklak sa bedside table at pagkatapos ay tiningnan ang kamay ni ALexa at mahinahong nagtanong rito. “Masakit pa ba ang mga daliri mo?” tanong nito kay Alexa.

Tumango naman kaagad si Alexa kay Axel.