Chapter 14.1

Kinabukasan ng gabi ay masakit pa rin ang mga daliri ni Alexa. Nakahiga siya sa kama at ilang beses na nagpaikot-ikot sa kama hanggang sa tuluyan na siyang nakatulog. Humiga naman si Noah sa tabi nito at niyakap niya si Alexa nang biglang mag-vibrate ang kanyang cellphone na nasa kanyang bulsa, sa takot na baka magising si Alexa at mabilis niyang pinindot ang mute at pagkatapos ay dahan-dahan niyang hinila ang kanyang braso na nakaunan rito, plano niya sanang lumabas upang sagutin ang kanyang cellphone.

Nasa kalagitnaan pa lamang siya ng paghila ng kanyang kamay ay bigla na lamang nagmulat ng mga mata si Alexa at namumungay ang mga mata na tumingin ito sa kaniya. “Anong problema?” tanong kaagad nito.

Agad naman niyang itinaas ang kanyang cellphone at ipjnakita rito. “May tumatawag kasi.” sabi niya.

Ilang sandali pa nga ay nagsalita si Alexa. “Sagutin mo na rito dahil malamig sa labas.” sabi nito sa kaniya.

Sandali namang nag-isip si Noah at pagkatapos ay mabilis na tumango rito. Ilang