Chapter 11

Halos hindi na ako makalabas ng kwarto dahil hindi ko alam ang mukhang ihaharap ko kay Aries kapag nagkita kami. Bakit niya ba kasi sinabi ‘yon? Ako tuloy ang naiilang!

Lumabas na lang ako bandang alas-otso dahil alas-siete naman ang pasok niya. Naabutan ko pa si Ate Sab na nagwawalis sa sala habang si Nanay Flor naman ay nagdidilig sa labas.

Dumiretso na lang ako sa ref para kumuha ng maiinom. Pero agad ding nagsalubong ang kilay ko nang makitang puro sterilized milk ang nandoon.

Bumuntong-hininga ako saka inabot ang isa. Pero bago ko pa man din tuluyang makuha ‘yon ay natanaw ko sa peripheral vision ko ang isang mahabang braso na dumaan sa gilid ng balikat ko habang inaabot ang sterilized milk na nasa ref.

Bahagya pa akong natigilan nang maamoy ang presko nitong amoy na tila katatapos lang maligo. Saka humigpit ang pagkakahawak ko sa handle ng ref nang maramdaman ang mainit nitong hininga na tumatama sa buhok ko.

Hindi ko alam kung bak