CHAPTER 14

Walang tigil ang mga luha ko sa pagtulo. Hawak ni Mr. Yvan ang kamay ko habang nakaluhod ako sa kaniyang harapan. Nasa demonyo anyo siya ngayon at kahit si Vincent ay hindi magawang awatin ito.

Napatingin ako kay Vincent na ngayon ay sugatan. Nasa anyong lobo na rin ito at nanlilisik ang mga mata, habang paika-ikang naglakad. Halos madurog ang puso ko nang makitang paika-ika itong umatras.

Noong una ay hindi gumanti si Vin kahit na pinag-aatake siya ni Yvan, pero noong nakita niya ang malakas na pagsampal ni Mr. Yvan sa akin ay doon lamang niya naglaban.

"Tama na, Mr Yvan!" pagmamakaawa ko sa kaniya pero nakangisi lamang siya sa akin bago niya ibinaling ang tingin niya sa kaniyang kaibigan.

Napadaing ako nang halos madurog na niya ang pulso ko sa mahigpit niyang pagkakahawak. Mariin niyang hinawakan ang panga ko habang nakatutok sa mga mata ko.

"You really like playing around, huh?" he said dangerously.

Nakita kong tumilapon si Vincent nang bigla na lang may lumabas na apoy sa ka