Art of Destiny LXXVI

GABI. Kasalukuyan noong nasa kuwarto niya si Jino at nag-aayos muli ng porma ng kaniyang higaan. Halos tatlong taon din siyang namalagi sa Isla Maambeng puwera pa sa ilang taon siyang nasa Cebu dahil sa kompanya nila roon.

Kung tutuusin ay mahigit walong taon na siyang hindi na nakakahiga sa kama niya ngayon. Hindi naman iyon napabayaan ng kaniyang Mom na araw-araw ay bisitahin, linisin at ayusin o kaya naman ay palitan ang bedsheet, punda ng mga unan at labhan ang kumot niya.

Sumagi sa isipan niya ang mga isang magara at desinyadong aparador. Sa tantiya niya ay mahigit dalawampung taon na ang nasabing aparador ngunit matibay at maganda pa ding tingnan.

Natagpuan na lamang niya ang sarili na binuksan ang nasabing aparador. Sabik na ginulo ang mga nakalagay doon. Naroon ang mga regalo niya mula sa iba't ibang tao na pinaingat-ingatan niya ng sobra. Mga mamamahaling soveinir na mula pa sa mga bigating business partners ng kaniyang Dad na inieregalo sa kaniya noong sixth years birthday