Art of Destiny LXXII

MADALING araw na. Kasabay ng pagtilaok ng manok ay nasa pantalan na si Jino. Dala ang ilang mga personal na gamit ay hindi na niya inabala ang sarili na dalhin ang lahat ng mga bagay na pag-aari niya. Hindi naman niya talagang kaylangan ang mga bagay na iyon dahil may kakayanan naman siyang bumili ng mga bagong gamit pagdating niya kina Mommy Arianne niya.

Buong ingat siyang nakalabas ng bahay ng kinikilalang Uncle Carding niya. Malaki ang pasasalamat niya na hindi siya nakalikha ng anumang ingay na maaring maging dahilan ng pagkagising ng mga tao sa bahay lalong-lalo na ang kaniyang asawang si Naikkah.

Mabuti na lamang at masuwerte siyang may naabutang isang bangkang papuntang bayan. Hindi man pamapasahero ang naturang bangka at mabuti na lamang ay napakiusapan niya ito pasabayin siya dahil emergency.

Sa totoo lang ay hindi niya sana kaylangang gawin ang bagay na makiusap kung may pera lamang siya. Kung kaylangan niyang magbayad ng doble ay gagawin niya para lamang makaalis na siy