Chapter 62: Pay me

“HINDI mo ako pinsan! Hindi ba't pinutol mo na ang koneksyon sa amin? Bakit sinasabi mo pa rin 'yan!” sigaw ni Jessa noong marinig ang sinabi ni Serena.

Inalis ni Serena ang tingin sa lalaking kaharap at imbes, bumaling kay Jessa. “Sumama ka sa akin.”

Hinawakan niya sa braso si Jessa at hinatak ito paalis para masiguro na ligtas ito. Sa tingin kasi ni Serena, oras na iwan niya si Jessa rito, ikapapahamak nito iyon. Lalo pa't nagawa na itong saktan ng lalaking kaharap nila ngayon.

Pero hindi iyon na-appreciate ni Jessa. Hinila nito ang braso palayo kay Serena at gustong lumapit pa sa lalaking nanakit dito. Halos umusok ang bunbunan ni Serena sa umakyat na dugo sa ulo! Galit na galit siya!

Sinaktan na nga ito ng lalaki, doon pa mas gustong sumama ni Jessa? Hindi siya pwedeng pumayag!

“Sasama ka sa akin!”

Hinatak niyang muli si Jessa at dahil mukhang galit na galit si Serena, hindi kaagad nakakibo si Jessa. Nagulat ang babae dahil parang maling galaw lang nito, sapok ni Serena ang sas