Chapter 63: Invitation to go home

HALOS hindi mabuhat ni Serena ang katawan pero dahil may pasok sa trabaho, uminom siya ng gamot na pangtanggal ng sakit ng katawan at nagpahatid sa opisina. Si Kevin, nagsabi sa kanya na may aasikasuhin ito kaya hindi na siya nagtaka na wala ito noong gumising siya.

May note naman itong iniwan sa tabi niya at tulad ng dati, palihim na kinolekta ni Serena iyon. Hindi dahil kinikilig siya, ha? Kinokolekta niya iyon dahil nagagandahan siya sa penmanship ni Kevin.

Neat at vibrant ang nakikita niya sa sulat nito na kung titingnan, iyon din ang personalidad ni Kevin.

Bumaba na si Serena ng sasakyan dahil nandoon na pala siya nang hindi niya namamalayan.

“Serena!”

Napalingon kaagad si Serena nang makarinig ng boses na tumatawag sa kanya. Pagtingin, tiyahin niya ito na kinapagtaka niya.

Hindi ba't pinutol na nito ang koneksyon sa kanya? Ano ang kailangan nito sa kanya? Ayaw siya nitong makita kaya kakaiba na narito 'to ngayon sa harap niya.

“Anong ginagawa mo rito?”

Tumikwas ang labi ni