Simula

"Sumasakit ang ulo ko sa math!" Reklamo ni Maika.

Umupo si Maika sa tabi ko at agad na binagsak ang ulo sa mesa'ng nasa harapan namin.

Tumawa ako at tinapik ang balikat ni Maika, "bobo lang daw ang sumasakit ang ulo sa math so, ibig sabihin bobo ka?"

"Sinong nagsabing matalino ako?!"

Umiling kaming tatlo dahil sa sinabi ni Maika, humarap ako kay Vien at Clouie. Mga kaibigan ko na silang tatlo noong mga bata pa kami hanggang ngayong nag senior high na kami kaso nga lang iba-ibang strand ang kinuha namin kaya hindi na kami magkaklase ngayon.

Ako Humss ang kinuha ko, si Vien naman ay ABM, si Maika ay STEM. Si Clouie ay GAS ang kinuha.

"Para ka namang timang d'yan, imbis na alalahanin mo 'yong math na nagpapasakit sa ulo mo, i-libre mo na lang kami," ngumisi si Vien pero inirapan siya ni Maika.

"Ubos na nga pera ko tapos magpapalibre pa kayo? Ako ang nanglibre kahapon kaya kayo naman ngayon!"

Nagkatinginan kaming apat at nag ngisihan na lang na parang mga baliw. Nandito kami ngayon sa 7/11 tumatambay dahil may aircon at kahit hapon na subrang init pa rin sa labas kaya tumatambay na lang kami dito sa loob kahit walang binibili.

"Titignan natin ang schedule kung sino ang manglilibre ngayon," ngumisi si Vien at kinuha ang ginawa naming schedule.

Sino bang pasimuno ng schedule na 'yan? Malamang si Vien, nililista niya kung sino ang manglilibre sa lunes, martes, miyerkules, huwebes at biyernes!

Tinignan namin si Vien, hinintay ang sasabihin niya kung sino ba ang manlilibre ngayon, sana naman hindi ako kasi wala akong pera ngayon. Sakto lang 'tong pera ko sa pamasahe.

Ngumuso si Vien at nilapag ang schedule sa mesa.

"Sino ang manglilibre ngayon?" Tanong ni Clouie at kinuha ang notebook ni Vien na sinulatan nito ng schedule.

"Aha! Kaya pala ngumuso ka d'yan kasi ikaw pala manglilibre ngayon!" Tinuro ni Clouie si Vien at humagalpak.

Ngumisi rin kaming dalawa ni Maika at pinakatitigan namin si Vien. Lumingon si Vien sa amin at inirapan kaming tatlo.

Tumayo si Vien at kinuha ang bag niya, "tara! Street food lang ang afford natin,"

Ngumisi ako at mabilis na kinuha ang bag at lumabas na kaming apat sa 7/11. Tinignan lang kami no'ng babaeng nasa cashier, ang ingay na namin siguro tapos wala pa kaming binili kahit isa.

Pumunta kami sa rotary kung saan maraming mga street food vendors ang nakahanay, tuwing hapon ay maraming mga street food vendor dito sa rotary dahil madami rin kasing mga estudyanteng bumibili.

"Ito akin, tapos ito! At ito rin! Tsaka masarap ata 'to kaya bibili na rin ako nito," hindi na namin masundan ang mga tinuro-turo ni Maika dahil sa subrang dami ng pinili niya.

Poker face na hinarap ni Vien si Maika at nagpamaywang si Vien, muntik pang mabatokan si Maika.

"Grabe naman 'to! Uubusin mo ba pera ko?"

Ngumisi si Maika at tinuro ang buko, "dahil uuhawin ako kailangan ko ng panulak sa mga kinain ko kaya isang buko na rin, Vien."

Umiling na lang kaming dalawa ni Clouie at pumili na rin ng aming bibilhin, busangot ang mukha ni Vien dahil ang daming pinili ni Maika pero binili pa rin naman lahat 'yon ni Vien.

Pagkatapos naming bumili ay naglakad na kami papunta sa termenal ng jeep.

"Kailan nga 'yong inter-high?" Tanong ni Clouie pagka-upo namin sa jeep.

"Malayo-layo pa naman ang inter-high," sagot ko at inubos na ang kinakain ko.

"Hindi naman ako interesado sa inter-high na 'yan, wala namang gwapo dito sa school natin tapos wala ding gwapo sa ibang school."

Ngumiwi silang tatlo sa sinabi ko, kung wala lang silang hawak na mga pagkain baka binatukan na ako ng tatlong 'to.

Meron kasi silang mga crush sa ibang school, ewan ko nga bakit nila naging crush nila ang mga 'yon na minsan lang naman nila 'yon nakikita tapos hindi pa gwapo.

"May gwapo sa school natin 'no!"

Siniko ako ni Vien, inilingan ko na lang sila at tumingin na lang sa labas.

"Wala ka bang bagong crush ngayon, April? Ang bitter mo masyado eh,"

Tumawa si Clouie, tinaasan ko lang siya ng kilay at nagkibit na lang ng balikat.

"Wala akong crush kasi pangit lahat ng mga nakikita ko. Tsaka bawal ako sa crush crush na 'yan, tatanda na lang siguro ako na single."

Malayo ang eskwelahan namin sa bahay namin, kailangan pa naming sumakay ng jeep o kaya naman bus at ilang minuto pa bago makarating sa lugar namin.

"Ma!"

Sigaw ko, binaba ko ang bag ko at pumunta sa likod dahil baka nandoon si Mama at hindi nga ako nagkamali, nakita ko si Mama na nagpapakain ng mga alagang manok sa likod ng bahay namin.

"Oh? Nandito ka na pala," si Mama na hindi man lang ako nilingon dahil busy sa pagpapakain ng mga alagang manok.

"Ano pong ulam, Ma?"

Lumingon na si Mama sa akin ngayon, tumawa ako at nagkamot ng ulo.

"Nagutom ako eh, ang daming report at research ang ginawa namin kanina,"

"Walang ulam, magluluto pa ako. Wala ring kanin kaya mag saing ka muna."

Pagkatapos kong nagsaing ay pumasok na ako sa kwarto at nahiga sa kama. Nahihirapan na ako ngayon kahit nasa Senior High pa ako paano na lang kaya kung nasa College na kaya ako? Baka mas triple pa ang hirap na mararanasan ko.

Sabay ulit kaming apat na pumasok sa eskwelahan, kailangan naming agahan dahil ilang minuto pa bago makarating sa eskwelahan tapos kailangan pa naming maghintay ng jeep na hindi namin alam kung kailan dadating.

Pagdating namin sa eskwelahan ay nagkahiwalay na kaming apat, umakyat naman ako sa second floor dahil nandoon ang room ko, sina Vien, Maika at Clouie ay nasa first floor lang.

Pumasok na ako sa room at umupo sa upuan ko na nasa pinaka dulo. Nagpangalumbaba ako sa mesa at pinikit ang mga mata. Mga alas unse na rin akong nakatulog kagabi dahil tinapos ko pa ang research namin na pinapagawa ng teacher namin. Noong mga Junior High pa ako ay alas nueve o kaya alas otso ay natutulog na ako dahil wala masyadong iniisip pero ngayon halos umabot na ako ng madaling araw paano pa kaya kung magcollege na ako?! Baka hindi na ako makatulog nito!

"Maglalaro daw si Sammuel ngayong inter-high."

"Nakita ko ring kinausap siya ng coach ng mens volleyball kanina."

"Matagal ko na ring hindi siya napanood na naglalaro ng volleyball."

"Tumigil siya kasi mas tinutukan niya ang pag-aaral niya para makatulong sa kanyang pamilya."

Kumunot ang noo ko at bumaling doon sa mga kaklase kong nag-uusap sa harapan ko.

Wala naman akong pake kung sino ang pinag-uusapan nila, hindi rin ako interesado kung sino man ang pinag-uusapan nila. Hindi ko rin kilala ang lalaking pinag-uusapan nila pero nakakainis lang kasi ang ingay nila! Pwede naman sigurong hinaan nila ang boses nila 'no?

Dumating ang teacher namin at report kaagad ang ginawa namin. Sunod na pumasok na teacher ay groupings at research na naman ang pinagawa sa amin. Subrang sakit na ng ulo ko lalo na't ang titigas ng mga ulo nitong mga ka group mates ko.

"Sa bahay na lang kaya tayo magresearch?" Representa ng isa kong kagrupo.

"Kahit saan ayos lang sa akin basta research ang atupagin nating lahat," marahan kong sambit.

Tumango naman sila at nagpagpasyahang doon sa bahay ng isa sa mga kagrupo namin kami gagawa ng research.

Tumunog ang bell kaya nagsilabasan na ang mga estudayante, niligpit ko ang mga gamit ko at lumabas na rin sa room pero kahit sa ibang section ay usap usapan pa rin ang lalaking 'yon.

May estudyante akong nakasabay sa pagbaba sa hagdan at dinig na dinig ko ang pinag-usapan nila.

"Si Sammuel maglalaro?"

Sammuel? Sino ba kasi 'yang Sammuel? Ngayon ko pa narinig ang pangalan niya. Siguro pangit kasi ang pangit din ng pangalan pangmatanda. Wala naman sigurong espesyal sa Sammuel na 'yan 'no? Ano naman ngayon kung maglalaro si Sammuel na 'yan ng volleyball?

"Totoo ba 'yong kumalakat na kaya siya hindi naglalaro sa volleyball ulit kasi nakipagsuntukan siya doon sa isang player na galing sa ibang school dahil inagaw daw ng lalaking 'yon ang girlfriend ni Sammuel."

"'Yon din ang narinig ko."

Ahhh... Kaya naman pala sikat kasi may issue. Tsk. Pilipinas nga naman, ang daming issue kahit mga hindi sikat na tao ay sumisikat dahil sa issue nila.

"Kawawa si Sammuel dahil 'yong lalaking taga ibang school ang pinili ng girlfriend niya imbis na siya."

"Kaya siguro tumigil kasi heartbroken dahil iniwan ng girlfriend."

"Ano kayang rason niya bakit siya bumalik sa paglalaro ng volleyball?"

"Siguro para ipakita sa ex niya na mabubuhay siya na wala ang ex niya."

Sinundan ko ng tingin ang grupo ng mga estudyante na pupunta sa canteen.

Ngumiwi ako at umiling na lang.

Ang OA naman ng Sammuel na 'yan, hindi mabubuhay na wala ang ex niya? Nag quit sa paglalaro dahil iniwan ng girlfriend? Maganda ba girlfriend no'n? Baka hindi rin kasi pangit din ang Sammuel na 'yon.

Hays, Sammuel Moments nga naman.

Hinintay ko na lang ang tatlo sa kinatatayuan ko. Natatanaw ko na silang paparating sa akin.

"Ang sakit ng ulo ko, kailangan ko ng pagkain!" Umupo kaming apat sa bakanteng mesa sa canteen.

As always, punuan na naman ang canteen tuwing tangahali dahil sa mga Senior High na tumatambay sa canteen kaya ang mga Junior High ay nahihiyang pumasok. Ganyan din ako dati, nahihiyang pumasok sa canteen tuwing tanghali dahil punong puno ito mg Senior High.

Tapos na ang tanghali, bumalik kami sa room namin dahil tumunog na naman ang bell.

Hindi pa rin humuhupa ang tsismis nila tungkol sa Sammuel na 'yan. Hanggang ngayon si Sammuel pa rin ang usap usapan nila, naririndi na ako dahil pangalan na lang niya palaging naririnig ko.

Nagquit daw si Sammuel dahil sa girlfriend niya.

Kaya daw siya nagquit dahil brokenhearted. Maglalaro daw ulit si Sammuel sa volleyball. Si Sammuel daw ay chuchu blah blah. Nakakainis na! Kailangan kong makita ang pagmumukha ng Sammuel na 'yan! Bakit siya sikat na sikat?! Bakit hindi ko man lang narinig ang pangalan niya at ang issue niya? Nasaan ba ako ng mga panahon na nagkaissue 'yang Sammuel na 'yan?!

Dahil maaga kaming pinalabas ay pinuntahan ko na si Vien sa room nila dahil siya naman ang pinakamalapit kaysa sa dalawa na nasa pinakadulo ang room.

Eksakto namang papalabas na si Vien sa room. Pinulupot kaagad niya ang braso niya sa braso ko.

"Vien, may itatanong ako,"

Lumingon si Vien sa akin. "Ano namang itatanong mo?" Nakataas kilay niyang tanong.

"Kilala mo ba si Sammuel?" Kunot noo kong tanong.

Napaisip naman si Vien, hindi ata kilala si Sammuel o baka subrang daming Sammuel sa eskwelahan kaya nahirapan siya? Alam kong alam ni Vien mga issue dito sa eskwelahan dahil mas tsismosa siya kaysa sa akin.

"Sammuel? Isa lang namang Sammuel ang kilala ko, eh. Si Sammuel Lazarus Sandoval ba ang tinutukoy mo?"

Kumunot din ang noo ni Vien at nag-isip ulit.

"Sammuel Lazarus Sandoval? Volleyball player ba siya na maglalaro ngayong inter-high?"

Tanong ko ulit, lumingon ulit si Vien sa akin at nanlaki ang mata at tinuro ang lalaking nasa loob ng room nila.

"Siya ba ang tinutukoy mo? Kaklase ko si Sammue Lazarus Sandoval. Volleyball player siya at maglalaro siya ngayong inter-high 'yon ang dinig ko."

Nalaglag ang panga ko ng makita kung sino si Sammuel, nagwawalis siya sa room nila at seryoso ang mukha nito.

Totoo ba 'tong nakikita ko? Bakit hindi pangit ang nakita ko? Bakit subrang gwapo ang nakikita ko ngayon na naglilinis?

"Pangalan niya, Vien?"

Tanong ko habang na kay Sammuel pa rin ang tingin ko. Dahil hapon na ay at sumisinag ang araw sa loob ng room nila Vien natatamaan siya ng araw.

Napanganga na lang ako ng masinagan ng araw ang mata niya at parang kuminang ito, namamalikmata lang ba ako o talagang tumingin siya sa akin?!

"Sammuel Larazus Sandoval nga ang pangalan niya, kulit mo naman!"

Hihilain na sana ako ni Vien pero hinila ko siya pabalik.

"Edad? Saan nakatira? Height niya? May girlfriend? Ilan ang ex?" Sunod sunod kong tanong na ikinalaglag ng panga ni Vien.

Lumingon si Vien sa akin, hindi makapaniwala sa mga tinanong ko.

"17 years old, hindi ko alam kung saan siya nakatira pero ang alam ko ay taga Poblasion lang din siya. Height niya? Hindi ko alam, basta matangkad siya. Siya ang matanggakad sa klase. Wala siyang girlfriend ngayon. Nililigawan? Ewan ko kung meron at meron siyang ex 'yong naririnig mo ngayon na iniwan siya, ewan ko kung totoo 'yon tsaka study first 'yan! Puro pag-aaral inaatupag, hindi lumalandi o baka hindi pa rin nakakalimutan ang ex niya kaya hanggang ngayon wala pa ring kapalit 'yong ex niya. Hindi ko gusto ang lalaking katulad niya, napakaseryoso at hindi ngumiti tsaka parang galit palagi sa mundo at sa mga tao! Ewan ko d'yan! Hindi ko siya type, mysterious guy nga siya pero hindi namamansin, ewan ko ba d'yan. Gwapo nga siya, subrang gwapo pero hindi pa nakaka get over sa girlfriend niya kaya ganyan."

Ang haba ng sinabi ni Vien sa akin samantalang ilan lang 'yong tinanong ko, sinali pa talaga niya kung gaano niya hindi kagusto si Sammuel.

Kumurap kurap at at dahan dahang napangiti.

"Nahanap ko na, Vien,"

Kunot noong nilingon ako ni Vien, nagtatataka sa sinabi ko.

"Nahanap ang alin?"

"Nahanap ko na ang crush ko," ngumisi pa ako lalo habang nakatitig kay Sammuel. "Crush ko na siya, Vien... Crush ko na si Sammuel Larazus Sandoval."

"Ha?!"

Nanlaki ang mata ni Vien sa gulat at napalingon kay Sammuel na naglilinis pa rin sa loob ng room.