Chapter 85

Salvatore

Kahit ayaw ko at gusto ko siyang pigilan ay wala na rin akong nagawa ng umalis si Angel. Sa ngayon ay wala pa akong magagawa, pero after niyang pumirma ng kontrata ay sisiguraduhin kong matatali na siya sa kumpanya.

Sa lunes ay babalik si Angel dito para sa kontrata at magsimula na rin. Sa ngayon ay inatasan ko muna si Mauro na asikasuhin ang silid na ookupahin ni Angel bilang head ng design. Kasalukuyan akong nasa aking opisina ng bigla na lang bumukas ang pintuan.

“Damn, Nadia!” gulat kong sabi. “Hindi ka ba marunong kumatok?” tanong ko.

“Where is she? Is it true?” magkasunod niyang tanong.

“Who?”

“Alam mo kung sino ang tinutukoy ko, Sir!” Manang-mana ang babaeng ito kay Mauro. Amo niya ako pero may mga time na kung kausapin ako ay parang hindi.

“Hindi ko alam kaya diretsahin mo na ako.” yes, alam ko. Pero hindi ako papayag na gawin niya ang gusto niya.

“Si Angel, totoong nandito na siya?”

“Huli ka na sa balita, kahapon pa yon.”

“Bakit hindi mo man lang pinapunta sa akin?”