Chapter 90

Angel

“Ate,” sabi ni Angelo ng makita ako. Tinawagan ko siya at nalaman kong nasa eskwelahan pa siya kaya naman sinabihan kong puntahan ako after class. Hindi pa siya makapaniwala noong una ng sabihin ko kung sino ako at buti na lang at number ni Nadia ang gamit ko dahil kung hindi ay malamang na binabaan lang niya ako ng telepono.

“Angelo,” sabi ko rin. Ang laki laki na niya at binatang binata na rin. Maluha luha siyang yumapos sa akin. Nasasalat ko ang tigas ng kanyang katawan kaya naman alam kong regular siyang nagji-gym. Sa edad niyang disiotso ay aakalain ng kahit sino na nasa bente na siya mahigit.

“Grabe, mas malaki ka pa sa akin! Akala ko ba ay mamaya pa pala ang uwian niyo, bakit naririto ka na?” bulalas ko ng maghiwalay kami. Tinignan ko pa siya ng husto at ganun din ang ginawa niya sa akin habang bakas pa rin sa mukha niya ang pagkagulat.

“Hindi na ako makapaghintay eh. Bakit ngayon ka lang nagpakita sa akin?” tanong niya na may bahid ng lungkot at pagtatampo sa kanyang mukh