Chapter 97

Salvatore

“Papa, ready na?” tanong ni Savinna. Ako ang nag-aayos ng laptop nilang magkapatid para sa online class nila. Gusto ko ng ipa-transfer sila sa skwelahan dito sa Pilipinas dahil alanganin naman masyado ang klase nila gawa ng umaga sa Michigan eh gabi naman dito.

“Okay na, sweetheart. Sige at pumwesto ka na, ikaw din Savanna.” Masayang sumunod ang dalawa at ako naman ay tumabi na sa baby ko na nasa sofa at busy sa kanyang tablet. Inangat ko ang likod niya ng bahagya tsaka ko iniunat ang aking braso para nakayapos ako sa kanya. Wala naman siyang tutol at patuloy lang sa kanyang ginagawa.

Salitan ang naging tingin ko sa kambal at kay Angel na ngayon ay nakasandig na sa akin. Nahuli ko pang nakangiti ang kambal habang nakatingin sa amin na tila masaya sa kanilang nakikita. Sinenyasan ko sila na sa laptop lang ang tingin at mabilis naman din nilang ginawa iyon.

Dapat ay mabagot ako dahil wala naman akong ginagawa, ngunit sa pagtingin lang sa pamilya ko ay parang kuntento na ang pak