Chapter 74

Angel

Matapos ang pag-uusap namin ni David ay nagpahatid lang ako hanggang sa matao pang bahagi ng bayan. Nang makaalis siya ay saka ako tumawag ng tricycle papunta naman sa sakayan ko kapag nag-a-out ako sa resto para doon sumakay pauwi.

Paligoy-ligoy, pero ayaw ko lang kasing malaman ni David kung saan ako nakatira. Lito pa rin ang isip ko, pero isang bagay ang malinaw pa rin sa akin. Mahal ko pa rin si Salvatore at hindi ko pa rin alam kung paano tatanggapin ang katotohanang siya ang dahilan ng pagkamatay ng mga magulang ko. Sa buong pag-iisip ko ay nakahawak ako sa sing-sing na ibinigay sa akin ni Salvatore.

Mabigat ang aking kalooban ng bumaba ako sa tricycle na sinasakyan ko ng huminto kami sa mataas na gate ng property ni Salvatore. Wala sa sarili na kumatok ako at pinagbuksan naman ng guard tsaka ako nagpatuloy sa paglakad ng biglang may humiklat sa akin at dinala sa sasakyan.

“Salvatore,” mahinang sabi ko ng pumasok na rin siya sa loob. Hindi siya umimik habang nagsimula ng ma