Chapter 79

“Okay ka lang ba, Angel?” tanong ni Erika.

“Ha? Oo, ayos lang ako.” Nakangiti kong sabi habang karga ko si Savinna at nagtitimpla ng dede nila ni Savanna na ngayon ay nasa crib.

“Akin na nga yang baby na yan at ng magawa mo ng maayos yan.” Inabot ko naman sa kanya ang ngayon ay 8 buwan kong anak bago siya naglakad papunta sa isa pa na nasa living room, di kalayuan sa amin.

Binilisan ko ang pagtitimpla dahil nahihiya ako sa kanya sa tuwing nag-aalaga siya ng kambal lalo na kung bigla silang nagising habang nag-o-online class ako.

Napakaswerte ko dahil nakilala ko ang pamilya ni David. Kahit na mahirap ang mag-aral at mag-alaga ng kambal ay wala akong naging problema dahil para sa akin ay napagaan pa rin dahil sa tulong nila Dom at Erika ang buhay ko.

Sila ang naghanap ng online class ko para sa advance learning. Sakto ang dating ko dito as Amerika dahil simula ng klase at dahil online, tuluy tuloy lang ang pag-aaral ko kahit na buntis ako. Isang taon lang ay nag-exam ako para ma-acceler