Chapter 76

Angel

Dahan dahan kong iminulat ang aking mga mata. Mabigat ang katawan pati na ang pakiramdam ko na tila may nakadagan na mabigat sa aking dibdib.

Naramdam ko ang pagtulo ng mainit na likidong nagmumula sa aking mga mata kasabay ang pagbalik mga kaganapan sa aking isipan ng nagdaang gabi.

“Angel, okay ka lang ba? May masakit ba sa'yo?” Lumingon ako sa aking kanan at nakita ko ang nag-aalalang mukha ni David.

Lalo akong naiyak dahil sa kanyang tanong. Naalala ko si Salvatore pati na ang mga sinabi niya at ang mga ginawa niya sa akin.

“Hindi na niya ako mahal, David. Ayaw na niya sa akin..” palahaw ko.

“Shh… shh.. Tahan na, paos na paos ka na oh,” sabi niya habang sige ang pagpunas niya ng aking pisngi. Parang waterfalls na ang daloy ng luha ko, alam ko lalo at hindi na inalis ni David ang kamay niya sa pisngi ko.

Pero hindi ako nakinig, sige pa rin ako sa pagpalahaw ng iyak. Parang dito ko ibinubuhos ang lahat ng sakit na naramdaman ko kagabi habang sinasaktan ako ni Salvatore. Haba