Chapter 55

Angel

Ramdam ko ang pag-aalala sa akin ni Salvatore hanggang sa makauwi kami at hindi ko maiwasan ang ipagdasal ang relasyon nila Sir Sandy at Cecil. Sana ay matagpuan nila sa kanilang puso ang pag-ibig na nararanasan namin ngayon ng aking mahal.

Ilang Linggo pa ang lumipas at naging maayos pa rin ang pagsasama namin ni Salvatore na para bang wala ng katapusan ang ligayang natatamasa ko sa piling niya. Regular ko na ring nadadalaw si Angelo kapag may time ako at sa tuwina ay masayang masaya ang aking kapatid sa panahong magkasama kami. Lagi niyang sinasabi sa akin na nag-aaral siya ng mabuti para naman daw hindi na siya umasa sa akin at kay Salvatore.

Humahanga ako sa kasipagan at pagkamatalino ng kapatid ko. Ang galing niyang umunawa ng mga bagay bagay lalo na ng kalakaran ng mundo. Siguro ay nagkaroon ng parte ang pagtira namin kila tita Anacleta kaya maagang namulat ang mga mata niya sa katotohanan ng buhay.

“Okay, class, sobrang gagaling niyo, especially si Angel. Mukhang madadali