Chapter 61

Dumating ang araw ng alis ni Salvatore at syempre ay nalungkot ako. Araw ng Sabado at wala akong klase, okay sana kung isama niya ako ngunit kagaya ng sinabi ni Mauro ay puro lalaki raw ang mga kasama niya doon.

Kasalukuyan akong nasa balcony at nagre-review ng aming lesson para sa exam namin ng makarinig ako ng pagputok ng baril. Mabilis akong napatayo at sumilip sa labas sa baba ngunit wala naman akong nakita. Sobrang takot ang nararamdaman ko lalo na ng makarinig pa ako ng sunud sunod na pagputok pa kaya mabilis akong napatakbo papasok sa kwarto para lumabas ng silid.

Papunta na ako sa hagdanan ng biglang may humila sa akin. “Dito tayo,” sabi ni Mauro habang hila hila ako papunta sa dulo ng pasilyo ng second floor.

“Anong nangyayari? Anong putukan iyon?” tanong kong habang binubuksan ni Mauro ang pintuan ng isang silid.

Pagpasok namin ay nilapitan niya ang isang floor to ceiling na built-in cabinet. Nagulat na lang ako ng biglang bumukas ang isang bahagi non na parang pintuan. “Paso