Chapter 64

Salvatore

“Doon pa rin tayo pupunta?” tanong ni Mauro ng makasakay na kami sa sasakyan na tinanguan ko naman. “Nandoon na rin ang Dad mo.” Hindi na ako umimik at nanatiling seryoso ang mukha.

Natagalan ako sa Manila dahil sa ilang mga bagay na inasikaso ko. Nagpatulong na rin ako kila Sandejas at sa dalawa pa naming mga kaibigan. Naisip kong kailangan kong paramihin ang mga legal kong negosyo para kay Angel habang unti unting ko ng titigilan ang mga ilegal kong gawain katulad ng pagbebenta ng mga armas. Alam kong mahihirapan ako, pero kung sa ikasisiguro ng kaligtasan ng babaeng mahal ko ay handa akong gawin ang kahit na ano.

Kailanman ay hindi ako sinabihan ni Angel tungkol sa mga gawain ko or pinatigil man lang. Ni hindi siya nagtanong, siguro ay dahil ayaw niya ngang pangunahan ako. Pero mahal ko na nga siya at handa akong magsimula ng bagong buhay para sa kanya at para sa aming dalawa pati na rin sa pamilyang gusto kong buuin kasama siya.

Buo ang tiwala ko kay Mauro na mababantayan