Chapter 60

Angel

Lumipas pa ang mga araw at nanatili ang tatay ni Salvatore sa mansyon pati na rin si Caterina na parehong nanlilisik ang mga mata kung makatingin sa akin. Lagi akong may paggalang sa mga nakakatanda, lalo na kung ama pa ng lalaking mahal ko. Pero kung sakali at lalagpas na siya sa hangganan ng pagiging makatao ay hindi rin naman ako papayag na gawin lang niya ang gusto niya sa akin lalo na kung masasaktan na ako physically.

Kakababa ko lang sa dining area para mag lunch dahil kakatapos lang din ng klase ko. Pagdating ko ay wala pa si Salvatore pero nakaupo na si Caterina sa pwesto ko habang nasa pwesto naman ni Mauro ang ama ni Salvatore na napag-alaman kong Emilio ang pangalan. Tumango ako sa matanda bilang paggalang na ginantihan lang niya ng isang masamang tingin. Ayaw ko ring makipagtalo kaya naman sa ibang upuan na lang ako naupo.

“There really are some people who are thick skinned,” sabi ni Caterina na hindi ko na lang pinansin. Kumpara sa aming dalawa, maas makapal siya.

“