Chapter 58

Angel

Natatakot ako para sa amin ni Salvatore. Ama niya iyon at base sa mga napapanood ko ay nangyayari talaga ang ganun sa mga mayayaman. Aaminin ko, sa paghatid niya sa akin ay mas lalo akong kinabahan dahil alam kong gumagawa siya ng paraan para mas masecure ang feelings ko.

Habang nagtatrabaho ay hindi ko maiwasan ang mag-alala at mukhang kita iyon sa itsura ko. “Anong nangyari? Hinatid ka naman ng love of your life mo.”

“Ewan ko ba Cecil, para kasing kinakabahan ako,” tugon kong may halong pag-aalala.

“Anong nangyari?” tanong niya ulit. Wala naman pang masyadong customer kaya naikwento ko sa kanya ang sinabi ng ama ni Salvatore.

“Mahirap nga ang ganyan, pero kung sinabi ng jowa mo na magtiwala ka sa kanya eh di iyon na lang ang gawin mo. Kahit na ano pang mangyari ay huwag mong pansinin ang kung sino mang babae na yon na dadarating.”

“Madali naman din kasing sabihin yan. In-assure ko pa si Salvatore na salita lang niya ang papakinggan ko. Ngunit hindi ko pa rin mapigilan ang kabah