Kabanata 17.1

Inihatid ni Tatay Micko si Monique at Aidan sa bayan para masaksihan ang mga kasiyahan at kaganapan don. Nakasakay lang ulit sila sa trucktora. Kapit na kapit si Monique sa bakal dahil baka kapag nakasagasa ng malaking bato ang sasakyan ay tumilapon siya lalo na at open space lang naman ang sinasakyan nila.

Ilang minuto rin nilang tinahak ang daan hanggang sa makarating na sila sa bayan.

“May signal na sa lugar na ito pero walang internet.” Wika ni Aidan, hindi naman dala ni Monique ang cell phone niya dahil iniwan niya yun sa kwarto na ginagamit niya. Pinagmasdan na lang ni Monique ang kapaligiran, may mga kabahayan na at napakaraming bandiritas ang nakasabit kung saan-saan.

May mga street foods na rin at marami na ring mga tao ang maiingay. Nang huminto ang sinasakyan nila ay bumaba na silang dalawa.

“Pakisundo na lang po kami ulit mamaya mga 10pm,” anas ni Aidan kay Tatay Micko na ikinatango nito. Hinawakan ni Aidan ang kamay ni Monique at naglakad na silang dalawa. Hindi n