Kabanata 17.2

Naupo na sina Monique at Aidan sa sofa habang nanguha naman ng pagkain sa kusina ang babaeng kausap nila kanina. Narinig pa nila na tinawag ng babae ang mga kasama niya sa bahay at sinabi kung sino ang bisita nila.

Napatingin si Aidan sa labas ng bintana, masyado ng malakas ang ulan. Hindi nila napaghandaan ang ulan dahil wala naman silang signal ng internet para sana makita ang panahon.

“Sir, napadalaw po kayo. Kumusta po? Pasensya na po kayo sa gulo ng bahay namin, katatapos lang po kasi ng kasiyahan dito.” saad ng isang lalaki, mukhang asawa ng babaeng nagpapasok din sa kanila.

“It’s okay, kami itong nakaabala sa inyo.” saad naman ni Aidan. Dumating naman na ang babae kanina at ang ilang kasama nila sa bahay na may dala-dalang mga pagkain.

“Kumain po muna kayo habang nagpapatila kayo ng ulan.” Wika ng babae saka binigyan ng mga pinggan si Aidan at Monique. Nahihiya namang kinuha ni Monique ang pinggan na iniaabot sa kaniya.

“Masyado pong malakas ang ulan ngayon, subasko r