Chapter 46 (Part 1)

Samantha

Hindi ko alam kung ilang oras na ang lumipas na nanatili lang akong nakaupo sa ibabaw ng lababo habang nakatingin sa sarili kong reflection sa malaking salamin na nakadikit sa pader sa may gilid ko. Nananakit na ang pang-upo ko pero ayaw kong tumayo.

Kanina pa ako nag-iisip ng paraan kung pa'no bubuksan ang pinto pero wala pa rin akong maisip. Wala din akong makitang bagay na pwede kong gamitin pambukas ng seradura kaya hinayaan ko na lang. Pagmamay-ari naman ng asawa ko ang eskwelahan na 'to kaya siguradong hahanapin n'ya ako kapag inabutan na ako ng gabi't hindi pa umuuwi ng Condo. May mga CCTV naman ang buong campus kaya siguradong nahagip naman ako ng camera bago ako napadpad dito sa likod ng building.

"Stacey?" bulalas ko ng biglang pabalyang bumukas ang pinto ng banyo at s'ya ang iniluwa niyon. Muntik pa akong mahulog sa subrang pagkagulat sa kanya.

Bakit hindi ko man lang narinig ang mga yabag n'ya?

Nanlilisik ang mga matang tiningnan n'ya ak