Kabanata 9 Hindi Kaaya-ayang Ipresenta

Alas otso ng gabi, ipinadala ni Caroline kay Evan ang updated niyang schedule bago umalis ng opisina. Noong lumabas siya, napansin niya si Reuben na naghihintay sa tabi ng sasakyan.

Noong nakita ni Reuben si Caroline, lumapit siya at sinabi, “Sinabihan ako ni Mr. Jordan na ihatid ka para magpahiga.”

Tumangi si Caroline, “Hindi na kailangan. Uuwi ako ng mag-isa.”

Nag-alinlangan si Reuben bago nagpatuloy, “Ms. Shenton, may isang bagay na hindi ko alam kung sasabihin ko sa iyo.”

Tinginan siya ni Caroline, mahina ang boses niya noong sumagot siya, “Sabihin mo.”

“Alam ni Mr. Jordan na may sakit ka, kaya kumuha siya ng mag-aalaga sa iyo, at naghihintay na ang taong ito sa iyo sa Villa Rosa.”

Kumunot ang noo ni Caroline. Anong intensyon ng taong ito?

Gusto ba niyang makasama si Daniella habang ipinagpapatuloy ang relasyon nila?

Ngumisi si Caroline sa loob loob niya. Hinding hindi siya magpapakababa at pumayag na makihati sa asawa ng ibang babae!

Noong tatanggi na sana siya muli, hininaan ni Reuben ang boses niya at idinagdag, “Ms. Shenton, hindi pa kumpirmado ang pagkakakilanlan ni Ms. Love. Sigurado ka ba na hindi mo gusto ipaglaban ang sarili mo?”

Tumawa ng mapait si Caroline, “Reuben, sa panahon ngayon, mas importante ang pera kaysa sa mga relasyon.”

Matapos ito sabihin, nilampasan niya si Reuben at umalis.

Bumuntong hininga si Reuben at sumakay sa sasakyan. Sinulyapan niya ang boss niya na nakaupo sa likod niya, “Mr. Jordan, hindi na po gusto bumalik ni Ms. Shenton.”

Sumimangot si Evan at galit na nagsalita, “Hindi na niya kailangan bumalik! Bukas, itapon ang lahat ng gamit niya at siguraduhin na maglalaho siya sa malayong lugar!”

Sumagot si Reuben habang mabigat ang nararamdaman niya, “Opo…”

*

Dumating ang sumunod na araw.

Nagising si Caroline sa katok sa pinto. Tumayo siya, binuksan ito, at nakita si Reuben na nakatayo doon at may katabing dalawang malaking kahon.

Naintindihan ni Caroline kung anong laman ng mga kahon. Tumingin siya doon at tahimik na ipinasok ang mga kahon.

Sa oras na natapos ito, tumayo si Caroline at walang pakielam na sinabi, “Salamat, Reuben. Wala akong maioffer na pagkain o mga snack kaya hindi na kita patatagalin dito.”

Ibinuka ni Reuben ang bibig niya para may sabihin pero bago siya makapagsalita, walang awang isinara ni Caroline ang pinto.

Noong bumalik siya sa Villa Rosa, ipinaalam ni Reuben kay Evan na humihigop ng kape sa sofa, “Mr. Jordan, naibalik na ang mga gamit ni Ms. Shenton.”

Walang sinabi si Evan. Ibinaba niya ang kape niya at nagpatuloy sa pagtingin sa kontrata sa mga kamay niya.

Hindi napigilan ni Reuben na magsalita, “Mr. Jordan, tungkol sa kung saan nakatira si Ms. Shenton…”

Bago pa siya matapos magsalita, tumunog ang phone ni Evan.

Inilagay ni Evan ang phone sa speaker mode at narinig sa buong kuwarto ang tawa ni Daniella. “Evan, huwag na tayong lumabas ngayon tanghali. May inihanda akong masarap para sa iyo.”

Lumambot ang ekspresyon ni Evan. “Anong masarap na pagkain ang inihanda mo?”

Matapos marinig ang masayang pag-uusap ng dalawa, naisip ni Reuben na mabuting wala si Ms. Shenton dito.

Matapos ang tawag, sinulyapan ni Evan si Reuben. “Kumusta ang pagiimbestiga kay Daniella?”

Sumagot si Reuben, “Kinontak ko na ang mga umampon kay Daniella. Malapit na tayo makakatanggap ng balita.”

Sumingkit ang mga mata ni Evan. Kahit na naaalala ni Daniella ang nakaraan, ibang iba ang ugali niya ngayon kaysa sa naalala niya.

Gusto niyang malaman kung anong nangyari sa kanya sa mga nakalipas na taon.

*

Sa oras na pumasok si Caroline sa opisina, tumingin siya sa salamin na pumapagitna sa opisina niya at opisina ni Evan, at nakita si Daniella na nakaupo doon.

Nagkataon na nakita ni Daniella si Caroline na nakatingin.

Ngumiti ang mga mata ni Daniella at kinuha niya ang thermos at lunchbox sa lamesa sa harapan niya at luampit sa opisina ni Caroline.

“Ms. Shenton, para ito sa iyo.”

Napantingin si Caroline sa lunch box, pero kalmado siyang sumagot, “Salamat, Ms. Love, pero kumain na ako.”

Hindi binigyan pansin ni Caroline ang sagot ni Daniella at inilagay ang kahon sa desk niya.

Pagkatapos, naupo siya sa harapan ni Caroline, at tumingin sa earlobe niya. “Pagkakataon nga naman. Pareho tayong may pulang nunal sa earlobe natin.”

Nanatiling tahimik si Daniella, iniintindi kung anong ibig sabihin ni Daniella sa mga salita niya. Ngumiti si Daniella habang nakapangalumbaba, “Ms. Shenton, simula ng magkasama kami ni Evan, hindi ako pamilyar sa mga gusto niya. Maaari mo ba akong bigyan ng ideya?”

Abala si Daniella sa pag-oorganisa ng mga dokumento. Noong narinig niya ito, tumigil siya sandali at sinabi, “Bakit hindi mo siya tanungin mismo?”

Nagpakita ng pagsisisi si Daniella, “Sayang naman. Gusto ko pa naman siyang sorpresahin para mas makilala ko siya.”

Tumayo si Caroline at tumingin ng direkta kay Daniella. “Pasensiya na, pero hindi ako interesado sa kung anong mangyari sa pagitan ninyo.”

Matapos ito sabihin, sinulyapan ni Caroline ang relos niya at nagbigay ng payo, “Ms. Love, sapagkat personal kang nirecruit at prinomote ni Mr. Jordan, ang suhestiyon ko ay magtrabaho ka ng mabuti para hindi pagtsismisan ng ibang empleyado si Mr. Jordan.”

Nanigas ang ngiti ni Daniella at batid ang pagiging malamig sa mga mata niya.

Ang lakas ng loob ni Caroline na gamitin si Evan para mapressure siya?!

Huminga siya ng malalim at dahan-dahang tumayo. “Ms. Shenton, sana tandaan mo ito—ang mga peke ay hindi presentable at hinding hindi magiging sapat!”

Matapos iyon, galit na isinara ni Daniella ang pinto pagkatapos umalis.

*

Noong kinagabihan.

Nagmadali si Caroline sa ospital pagkatapos ng trabaho.

Hindi inaasahan niyang nakita si Scott sa entrance ng ward ng ina niya na nakikipag-usap sa nurse.

Lumapit si Caroline at tumango. Noong papasok na siya sa ward, pinigilan siya ni Scott.

“Caroline, kakatulog lang ng ina mo matapos ang chemotheraphy kagabi. Mas maganda na hindi siya istorbohin ngayon.”

Noong narinig ito ni Caroline, nagtanong siya sa kundisyon ng ina niya. “Sapagkat ikalimang stage na ito ng chemotheraphy, kumusta ang lagay ni mama?”

Nagbigay ng lakas ng loob si Scott. “Huwag kang mag-alala masyado. Naoperahan siya ng maaga, kay mas maayos ang pag galing niya.”

Nakahinga ng maluwag si Caroline. “Tungkol sa panggastos na naitransfer ko kanina, sapat ba iyon?”

Naguluhan si Scott. “Hindi ba’t kakadeposit mo lang kahapon ng 140,000 dollars?”