Kabanata 10 Ibabalik Ko Ito Sa Iyo

Kumurap si Caroline na tila hindi makapaniwala. Sa isang iglap, naintindihan niya.

Mabilis niyang kinuha ang phone niya at tinawagan ang number ni Reuben.

“Yes, Ms. Shenton?”

Mabilis na nagtanong si Caroline, “Si Mr. Jordan ba ang nagbayad sa medical bills ng ina ko?”

Sumagot si Reuben, “Oo, hindi gusto ni Mr. Jordan na sabihin ko ito. Nagtransfer siya ng 140,000 dollars sa account ng ina mo matapos niyang dumating sa ospital kahapon.”

Noong nakumpirma niya ito, agad na tinawagan ni Caroline si Evan. “Mr. Jordan, nasaan ka?”

Nanatiling malamig ang tono ni Evan, “Anong kailangan mo?”

“Ibabalik ko sa iyo ang 140,000 dollars!” madiin na idineklara ni Caroline.

Ngumisi si Evan, “Pumunta ka sa Villa Rosa.”

Matapos iyon, ibinaba niya ang tawag.

Hinawakan niya ng mahigpit ang phone niya habang malalim ang iniisip. Sa oras na iyon, nakapagdesisyon na siya at tumungo sa ospital.

*

Noong dumating siya sa Villa Rosa, pumasok si Caroline sa madilim na villa. Hinanap niya ang switch sa ilaw sa pader.

Bago pa niya ito maabot, isang pamilyar na presensiya ang naramdaman niya, at mahigpit itong yumakap sa bewang niya.

Walang sabi-sabi, binuhat siya at dinala sa sofa ni Evan.

Nababalisa siyang kumawala mula sa yakap ni Evan. “Mr. Jordan! Naparito ako tungkol sa pagsasauli ng pera!”

Nanatiling tahimik si Evan.

Noong inilagay niya sa sofa si Caroline, doon lamang siya nagsalita gamit ang malalim niyang boses, “Tahimik!”

Narinig niya ang utos na ito habang mabilis na inaalis ni Evan ang bitones niya at bra, habang dumidikit ang mga labi niya sa kanya.

Matapos ang mainit na sandali, ininda ni Caroline ang sakit ng katawan niya at mabilis na tinakpan ang sarili gamit ang mga damit niya. Dahan-dahan siyang naupo at ang boses niya ay mahina at puno ng pait.

“Hindi ka ba nag-aalala na baka magselos si Daniella kapag nalaman niya?” tanong ni Caroline.

Nagsindi ng sigarilyo si Evan, “Wala ka ng pakielam doon,” sagot niya.

Habang kagat ang labi niya, nag-ipon ng lakas ng loob si Caroline at sinabi, “Ibabalik ko sa iyo ang 140,000 dollars.”

Bumuga ng usok si Evan, tinitigan siya at sinabi, “At paano mo ako balak bayaran? Gamit ang katawan mo?”

Matapos maramdaman ang matinding pagkahiya, hinigpitan niya ang kapit niya sa damit niya at determinadong sinabi, “Problema ko na iyon.”

Naging sarcastic na ngiti ang mga labi ni Evan noong nagsalita siya, puno ng panlalait ang boses niya, “70,000 dollars ang commission mo, at ang 70,000 dollars ay bayad para sa session natin ngayon. Sapagkat sa pera ka lamang naman may pakielam at wala sa relasyon, ang kailangan mo lang gawin ay sundin ako at makukuha mo ang gusto mo. Wala kang karapatan kontrahin ang desisyon ko!”

Pakiramdam ni Caroline sinampal siya ng hindi nakikitang puwersa. Dumagungdong sa kalooban niya ang mga salita ni Evan.

Totoo, isa lamang siyang tao na mas pinahahalagahan ang pera higit sa lahat. Anong karapatan niya na kumontra at lumaban?

*

Biyernes, matapos ayusin ang mga papeles sa kumpanya, bumili si Caroline ng pagkain at tumungo sa ospital para makasama ang ina niya.

Noong papunta siya doon, nakatanggap siya ng tawag mula sa hindi kilalang numero.

Sa oras na sinagot niya ang tawag, narinig niya ang nagpapanic na boses ng ama niya.

“Carol! Iligtas mo ako! Puputulin nila ang mga daliri ko! Pakiusap, ilgitas mo ako!”

Mabilis na nagbago ang ekspresyon ni Caroline, bago pa siya nakasagot, isang malakas na tawa ang narinig niya mula sa hindi pamilyar na lalake na nasa kabilang linya. “Ms. Shenton, tama ba? Natalo ang ama mo ng 14,000 dollars sa casino ngayon. Wala siyang pera para bayaran kami, kaya wala kaming choice kung hindi tawagan ka.”

“Wala akong pera!” tiim-bagang at galit na sagot ni Caroline.

Kahit na may pera siya, hindi niya ito isusuko!

Sumusobra na ang ama niya sa pagiging makasarili nito at walang tigil na pagpapakasarap!

“Walang pera?” tumawa ng malakas ang lalake. “Kung ganoon, magpatuloy na tayo!”

Sa sumunod na sandali, narinig niya ang sigaw ng ama niya mula sa kabilang linya, “Ang mga daliri ko! Ang mga daliri ko!”

Nanigas ang katawan ni Caroline, at naging maputla siya.

Naniniwala siya na tinatakot lamang siya. Hindi niya inaasahan na itutuloy talaga nila!

“So, babayaran mo ba ang 14,000 dollars?” muling tanong ng lalake.

“Wala akong ganoong kalaki na halaga! Pakiusap, maaari ba natin ito pag-usapan…?”

Bago pa makumpleto ni Caroline ang sasabihin niya, isang nakakatakot na utos ang narinig niya, “Putulin ang kamay niya.”

Nanlumo siya matapos marinig ang pagmamakaawa ng ama niya, batid ang kawalang ng pag-asa.

Natakot si Caroline at naging desperado at agad siyang nagmakaawa, “Tigil! Ibibigay ko ang pera! Ipadala mo sa akin ang address, at pupunta ako agad!”

Nakakatakot ang tawa ng lalake. “Sige, ipapadala ko sa iyo. Kung hindi ka magpapakita, magiging lumpo ang ama mo at mawawalan ng silbi.”

Noong natapos ang tawag, mahigpit niyang hinawakan ang phone niya, nanginginig ang mga kamay.

Kahit na ganito ang ama niya, hindi niya kaya na hayaan siyang mamatay sa harapan niya.

Matapos tignan ang bank balance niya, na mas mababa sa 14,000 dollars ang laman, nag-alinlangan siya bago mahirap na nagdesisyon. Kailangan niyang tawagan si Evan.

*

Samantala, sa magarang Fies Casino—

Sa loob ng extravagant na VIP room, ilang mga lalake ang nakaupo sa tabi magarang lamesa na may katabing mga nag gagandahang mga babae.

Sa gitna ng lahat ay isang lalake na elegante at mayaman ang aura. Tila naliligo siya sa liwanag habang naaakit niya ang lahat ng nasa paligid niya.

Kumapit sa damit niya ang babae na katabi niya, hindi natitinag na nakatitig sa kanya ang babae. Ang bawat tibok ng puso niya ay palakas ng palakas habang lumalalim ang nararamdaman niya sa lalake.

Naintindihan ni Daniella na basta manatili siya sa tabi ng taong ito na may kapangyarihan sa buong Angelbay City, isang utos lamang niya at buong buhay na siyang mapoprotektahan. Walang maglalakas loob na bastusin siya o pagmalupitan sa kahit na anong paraan.

Ang hindi nauubos na yaman at walang katapusan na karangalan ay isang tukso na hindi niya maiwasan. Paanong hindi siya maaakit?

Kahit na anong mangyari, kailangan niyang maging nag-iisang babae sa tabi ni Evan!

Noong kinuha ni Daniella ang sigarilyo para ialok kay Evan, nakaramdam siya ng panginginig mula sa damit na nakadikit sa kanya.