09

BIGLA ay natigilan siya sa aking sinabi at napaisip. "Oo nga 'no. Napaisip tuloy ako, wala kayang asawa o girlfriend si Axis?"

"Hindi ko alam. Ngayon ko nga lang siya nakita rito sa Isla de Luna," pagkutya ko. "Mukha siyang matanda kaya malamang may asawa na siya."

"Alam mo bang pitong taon agwat niya sa atin?"

Nanlaki ang mata ko dahil sa kanyang binulong sa akin.

"Really?" Hindi makapaniwalang usal ko.

"Oo, 'te!"

Nag-angat ako ng tingin sa gawi ni Axis nang makita ko siyang mag-seserve ng pagkain sa table na nasa likod ni Trinity.

Pitong taon ang agwat namin. Magkasing edad lang sila ni kuya Thunder. Nagkibit-balikat lang ako at akmang ibababa ang paningin ko sa aking pagkain nang hindi ko inaasahan na nagkatinginan kami, at natanaw ko ang dilim sa kanyang mga mata. Dali-dali akong nag-iwas ng tingin sa takot.

"H-hindi ka ba interesado sa kanya?" Biglang tanong naman ni Trinity sa akin dahilan upang balutin ako ng kaba.

Hindi dahil sa tanong na 'yon kundi dahil nakatingin si