Chapter 11

Nagimbal si King nang makita niyang nanghihina si Anastacia. Mula sa sahig kung saan huling may naganap sa kanila ay binuhat niya ‘to. Para siyang nabuhusan ng tubig bigla. Nanlalamig ang   buo niyang katawan. Nanginginig maging ang kanyang palad na nang mailapag ‘to.

Napakarami nitong natamong kagat mula sa kanya. At kung iisipin niyang mabuti, kahit may pagkakataong tumigil siya, kumalma, ay babalik din siya kaagad sa ‘di mapigilang pagnanasa sa dugo’t katawan nito. Paniguradong nasaktan niya ‘to nang husto.

“Anastacia?”

Abot-abot ang takot na nararamdaman ni King.

Kahit nanghihina at bumabagsak na ang talukap ng mata, ngumiti si Anastacia at inabot ang mukha nito.

“Maayos lang ako, Young Master. K-kailangan ko lang m-magpahinga.”

“Sigurado ka ba?” puno ‘to nang pag-aalala. “Kailangan mo ng doctor—“

“Tumabi ka na lang muna sa ‘kin.”

“Hindi, paano kung makalimot uli ako?”

“Please? Mas gusto kong katabi ka.”

Hindi na napigil ni Anastacia ang pagpikit ng mga mata. Sa sobrang pagod at hirap na pinagdaanan ng kanyang katawan, bumigay na rin ang natitira niyang lakas.

Hinalikan ni King sa noo si Anastacia.

Pinilit niya ‘tong linisan kahit nagsisimula na naman ang pagkabog ng kanyang dibdib. Maging ang init ay tila bumabalik na naman. Pero dahil sa pag-aalala kay Anastacia, nalalabanan niya ‘yon. Nahiga siya sa tabi nito, pinakiramdaman, dahil wala na naman itong nagdurugong sugat nang malinisan niya. Pagpapahingahin muna niya ‘to saglit habang sinusubukan niyang kalmahin ang sarili.

Ipinikit niya ang mga mata.

Napakabigat sa pakiramdam ng heat. Hindi niya ‘yon inaasahan.

Nakaririnig siya ng ingay sa labas, tinatawag ang kanyang pangalan pero imbis na sumagot ay nanatili siyang tahimik.

Parang dahil din sa heat na ‘yon, maging ang kanyang pakiramdam ay hindi gaanong gumagana.

Mainit ang katawan ni Anastacia. Pero hindi na niya gustong saktan ‘to.

Bumibigat ang kanyang paghinga.

**

“Young Master,” pangatlong ulit na ‘yon ni Calixto.

Tahimik na sa loob at mukhang payapa na rin si King. Limang oras na rin ang lumipas  at halos dalawang oras na rin ang lumipas simula nang unti-unting humina ang mga ingay sa silid nito.

Nakahanda na ang kanyang susi maging ang tatlong babaeng kukuha kay Anastacia.

“Pumasok na tayo sa loob,” ani Calixto.

Tumango at humanda naman ang tatlo. Si Alysa, Ivana, at Diana ang mga Half-Human at Vampire Servant ng mga Bezarius. Siya naman ay bagaman tao malakas ang kanyang pangangatawan at sanay na sanay siya sa mabibigat na gawain. Kapag nasa heat ang isang bampira at unang beses, mas mainam na layuan ang mga ito dahil masyado pang mainit ang mga ito. Ang lakas ng isang bampira ay pangdalawampung tao at kung mahina ang katawan ng aawat dito ay maaaring tumilapon lamang o mamatay. Pero habang nadaragdagan naman ang edad ng isang bampira ay natututo na ang mga ‘to na kontrolin ang paparating na heat.

Katulad ng mga taong lobo ay dumaraan sa heat season ang mga bampira. Pero mas madali raw sa mga bampira na kasanayan ‘yon dahil ang mga taong lobo ay hindi ‘yon napipigilan kung dumarating.

  Sa isipin na baka nagpapahinga na si King, nagdesisyon na si Calixto na susian ang pintuan at itulak ‘yon pabukas.

Kompara sa mga taong lobo, wala namang pheromones na inilalabas na amoy ang mga bampira kaya safe ang mga kababaihan. Pero ang bampira sa bampira na may matinding attraction sa isa’t isa ay may naaamoy na nagpapataas ng kanilang libido sa katawan.

“Young M—“

Natigilan ang apat nang makitang magulo ang mga kagamitan na tila ‘yon pinasok ng ilang magnanakaw at nagkalat nang husto para hanapin ang mga mahahalagang bagay. Pero ang sitwasyon ng dalawa ay payapa sa kama.

Nakakumot ang mga ‘to. Nakaunan si Anastacia sa braso ni King at nakahawak ang palad ni King sa buhok ni Anastacia.

Parehong nagpapahinga ang dalawa. Walang saplot ang mga ito sa tingin nila.

“Kailangan natin na alamin ang kalagayan ni Anastacia. Baka marami siyang naging kagat,” ani Calixto sa tatlo.

 Lumapit si Calixto sa bahagi ni King ang tatlo naman ay sa bahagi ni Anastacia.

“Mag-ingat ka, nasa state of heat pa ang Young Master,” ani Ivana.

“Pero mukhang nakapag-isip pa siya dahil sa ayos nila.” Puna ni Diana.

Sang-ayon ang lahat sa sinabi ni Diana. Madalas sa malalang sitwasyon inaabutan ang mga katulad ni King na nasa heat. Maraming kaso ang mga bampirang nakapatay ng servant dahil sa pinagdaraanan. Pero kung nakapuwesto pa ng maayos ang dalawa sa kama, ibig sabihin lamang ay bumaba ang bugso ng heat ni King.

Hahawakan ni Calixto si King, at ganoon din si Ivana at ang dalawang kasama nito. Pero nabigla sila nang magising si King at galit nag alit ang hitsura nito sa mga babae na hahawak kay Anastacia.

Sa pagod na nararamdaman hindi nagawang gisingin ng tagpong ‘yon si Anastacia.

Napalayo ang tatlong babae, sa tingin ni King ay papatayin sila nito kapag nagkamali silang lumapit.

“Hindi niya kayo nakikilala,” ani Alysa. “Humanda kayo sa posibilidad ng pag-atake.”

Nakabangon na si King at nayakap na nito si Anastacia sa katawan nito. Dahil napansin siguro nito na napalakas ang paghawak nito kay Anastacia ay nagbago ang anyo nito, mula sa mabagsik ay tila nag-aalala habang hinahaplos ang mukha ni Anastacia. Maging ang kumot ay mas ibinalot nito rito.

Nagkatinginan ang apat.

“Young Master, kailangan niyang matingnan. Hindi namin siya sasaktan at ilalayo sa ‘yo. Kapag nagamot na namin siya ay ibabalik namin siya sa ‘yong tabi.” Mababa ang tono ni Calixto.

Mukhang hindi ‘to kumbinsido.

Mataas pa ang heat nito, sa hitsura nito at akto ay mukhang wala pa ‘tong nakikilala. May gamot na siyang hawak para mabawasan ang nararamdaman nito.

“Young Master, kung may naging malala siyang sugat o pinsala kailangan kaagad siyang magamot dahil maaari pa ‘yong maging sanhi nang mas matinding komplikasyon sa kanya.” Patuloy na dinadaan ni Calixto sa karahanan si King.

Tila naman nabigla ang apat nang tila ‘to makuha ng mga salitang ‘yon. Naging malambot ang tingin nito kay Anastacia at hinalikan pa sa noo.

“Ito ang gamot mo para medyo bumaba ang nararamdaman mo.” Iniabot ni Calixto ang tatlong tableta rito. Hindi nito ‘yon inabot kaagad dahil mas pinili nitong ituro ang roba nitong kulay itim na nakasampay sa isang upuan.

Kaagad naman ‘yong kinuha ni Diana at marahang iniabot dito.

Si King ang nagsuot ng roba kay Anastacia at nakatalikod naman ang apat dahil masama ang tingin nito sa kanila nang hindi sila tumatalikod kanina.

Tumayo rin ito at naglakad ng hubo’t hubad patungo sa paliguan. Doon nito inilagay sa bibig ang tatlong tableta.

Sa tiyansang ‘yon kinuha ng tatlong babae si Anastacia at nang makalabas ay inilapag nila ‘yon sa de-gulong na higaan para madala kaagad sa doctor of the mansion na nasa ikatlong palapag kasama ang dalawang nurse nito.

Si Calixto ang nagpalit ng sapin ni King. Pagkaalis ng kumot ay maraming mga mantiya ng dugo siyang nakita. Nang iangat si Anastacia ay may kagat ‘to sa leeg at braso, maaaring sa binti ay mayroon din ‘to.

 Samantala sa paliguan kahit anong babad ni King para pa ring sinisilaban ang kanyang katawan. Ang nangyari sa kanila ng tatlong beses ni Anastacia ay masasabi niyang pinakamasarap na pakiramdam na kanyang naabot. Sa tindi ng init at pagnanasa ay hindi niya na halos ‘’to makilala dahil sa nakabubulag na kagustuhan makaabot sa sukdulan.

Napupuwersa niya si Anastacia.

Nasaktan niya ‘to nang husto. Pero imbis na si Anastacia ang isipin niya, nagiging alalahanin pa niya ang matinding pagnanasang nararamdaman. Para siyang tinutupok no’n. Gusto niya ng mapagrarausan nang pakiramdam na ‘yon dahil kung hahayaan niya para na siyang masisiraan ang ulo.

Noon, hindi siya naninwala sa first heat at maidudulot nito, pero ngayong nasa sitwasyon na siya, alam niya na kung bakit may mga babaeng namamatay dahil lamang sa ‘di pagturing ng seryoso sa first heat.

Nasa panganib si Anastacia dahil sa kanya pero ang buo niyang katawan, sumisigaw nang kagustuhang makipagtalik.

“Young Master,” boses ‘yon mula kay Calixto. “Ipadadala ko ang babaeng bampira na pinili para sa ‘yo sa ganitong sitwasyon. Gamitin mo siya hanggang bumaba ang iyong heat. Hindi mo kailangan mag-alala kung makabuo ka sa kanya, siya ay pumirma at sang-ayon sa bagay na ‘to.”

Napalunok si King. Tama, walang makapagpapababa ngayon ng init niya kung hindi niya ‘yon mailalabas sa isang kapareha.

Kapareha na hindi si Anastacia?

“Kung wala kang naramdamang kaibahan sa nainom mo, ibig sabihin lamang ay masyadong mataas ang level ng heat mo. Tatlo lamang ang maaaring inumin mo sa isang araw. Ipadadala ko na siya sa ‘yo.”

Narinig ni King ang paghakbang ni Calixto paalis.

Kahit paano nakabawas ang ibinigay na tableta ni Calixto, pero iyong pag-aapoy ng pakiramdam, hindi no’n napawi, nakapag-isip lang siya saglit at mas nagiging frustrated pa siya habang tumatagal dahil kahit sa pagsasarili ay hindi no’n maibsan ang sarili niya. Kailangan niya ng katawan para pumawi no’n.

Kailangan niyang mas maging maayos para mapuntahan si Anastacia.

Dapat na mawala na ang pakiramdam na ‘yon para maalagaan niya si Anastacia.

Wala na bang solusyon kung hindi makipagtalik siya sa iba?

**

Dahil sanay na ay hindi naman nagulat ang babaeng doctor at dalawang nars na kasama nito nang dalhin ng tatlong half-vampire maid servant si Anastacia. Sa kabilang kama sa kaliwa ‘to nailagay kaagad. Sa bahagi ng kanan kung saan may isa pang higaan ay tila naman nakalimutan ni Kaya lahat ng sakit niyang nararamdaman nang makita si Anastacia na tila lantang-lanta.

“Anong nangyari?” Iyon kaagad ang tanong ng babaeng Doktor na si Emma. Isa ‘tong Half-Vampire rin, pero magaling ito maging sa mga karamdaman na bibihirang maramdaman ng mga Vampire.

“Ang  Young Master ay kasama niya no’ng mag first heat ito.”

Tiningnan ng doctor ang katawan ni Anastacia.

“Pero hindi pa ‘to malala kung tutuusin. May mga kagat siya at mga pasang maaari pang mas lumabas sa susunod na mga oras pero ito ay hindi pa ganoon katindi kompara sa ibang nag first heat.” Kahit paano ay natuwa ang Doktor na hindi malala ang kanyang pasyente.

Parang ganoon din ang pinagdaanan ni Kaya sa kanilang Master pero alam ni Kaya na iba ang katawan niya sa katawan ni Anastacia. Si Anastacia ay parang madaling masaktan at iinda ng mga masasakit sa katawan nito.

“Sa tingin namin ay nakontrol ng Young Master ang kanyang sarili. Nakuha namin siya kaagad dahil ibinigay siya ng Young Master para gamutin. Pero magkasama sila sa kama at kalmado na ito ng puntahan namin,” paliwanag ni Alysa.

“First heat niya ‘to at unang oras pa lamang, pero nakapag-isip na siya kaagad at nakontrol ang sarili kahit may kalapit na babae?” tanong ng Doktor.

Tumango naman ang tatlong maid servant.

“Isang linggo hanggang sampung araw tatagal ang heat niya. May babae na bang kinuha ang Master?” tanong pa uli ng Doktor.

“Mayro’n na at nakahanda na rin siya para sa Young Master,” sagot ni Diana.

“Mabuti kung gano’n. Pero hindi ko akalain na makapagpipigil pa ang Young Master, isa na ‘to sa mild case ng isang Vampire na nasa first heat. O baka dahil napakahalaga talaga nitong personal maid servant niya para sa kanya.”

Natahimik si Kaya at ang tatlong babaeng maid servant.

Noon pa man ay bali-balita na masyadong pinahahalagahan ng Young Master ang personal maid servant nito. Sa kanilang quarter ay marami ng usap-usapan na may relasyon ang dalawa at mauuwi lamang din sa isang mapait na katapusan. Kahit kailan, walang pag-ibig sa tao at bampira na tumagal dahil sa magkaibang span ng buhay ng dalawa.

**

 Ang balitang naabutan ni Calixto at ng tatlong babaeng maid servant ay nakarating din sa mag-asawa mula kay Calixto, matapos nitong malaman ang kalagayan ni Anastacia mula sa doctor.

“Kung gano’n, buhay naman ang babae?” tanong ni Rosanna kay Calixto.

“Ayon sa doctor ay lalagnatin lamang siya at ang pinsalang nakita niya lang ay ang mga kagat at pasa. Wala rin siyang butong nabali. Magiging maayos siya sa loob ng isang linggo.”

Tumango-tango si Rosanna sa nalaman.

“Ang babaeng ipinadala ko kay King?” tanong nito.

“Inihatid ko na siya sa silid ng Young Master.”

Nakahinga ng maluwag si Rosanna.

“Nakapagpigil si King sa isang sitwasyong napakahirap. Sa tingin ko talaga ay magiging malaking kapakinabangan siya sa mga Pureblood.” Nangiti si Ezekiel.

“Huwag sana tayong mahirapang kumbinsihin siya. Kung ganyan ang ipinakikita niya sa babaeng tagasilbi, ibig sabihin lamang na maaaring kinababaliwan pa niya ‘yan ngayon.”

Nangisi si Ezekiel. “Madali na nating palabasing namatay ang babae kung nag-aaral na siya sa Vampire University.”

Nabigla naman si Rosanna maging si Calixto.

“Nagbibiro lamang ako,” natawa si Ezekiel.

Hindi natawa si Rosanna. Nakikita niyang may plano na ‘tong nabubuo. Kung siya ang papipiliin gusto niya rin naman ng koneksiyon sa mga Pureblood, pero hindi sa punto na sasakalin niya ang kanyang nag-iisang anak at didiktahan ang bawat magiging galaw nito.

“Maaari naman siyang magkaro’n ng babae habang may asawang bampira,” ani Rosanna.

“Hindi isang Pureblood si King, kaya magiging mahirap sa kanyang magkaroon ng babae kung isang Pureblood Princess ang mapapangasawa niya.”

Naputol ang kanilang pag-uusap nang may tumawag kay Calixto na isang Butler. Hindi pa man ‘to nagpapaliwanag mukhang alam na nila ang sitwasyon. Lalo at kasama nito ang babaeng dinala niya sa silid ni King at walang kagalos-galos man lamang o kahit anong palatandaan na sumama ‘to sa kama sa kanilang Young Master.

“Bakit nasa labas pa ‘yan? Akala ko ay sinama mo na sa silid ni King?” tanong ni Rosanna.

“Pinalabas niya ‘ko.” Halata ang iritasyon sa babae.