Kabanata 76

MIKAY

"It's my birthday!"

Masayang bulalas ko nang bumangon ako sa kama. Hindi ko maalis ang ngiti sa aking labi. Uuwi kasi ako ngayon dahil sa bahay ako nila Papa mag c-celebrate ng birthday, buti na lang talaga ay oks lang kay Damon ang lahat. Dapat nga kahapon pa ako nakauwi kaya lang ayaw ni Damon na do'n ako matulog eh.

"Naks! Ang saya naman ata ng birthday girl natin ngayon," nakangiting saad ni Nay Cristy. "Pag pasensyahan mo na ang regalo namin anak. Ito lang nakayanan ng budget namin ni Tay Kanor mo eh. Happy Birthday Mikay!"

Yumakap sa akin si Nay Cristy. Masaya ko namang tinanggap ang regalo niya sa akin. Kahit hindi ko na ito tingnan ay alam ko na ang laman nito.

"Salamat po Nay. At saka nag-abala pa kayo, yakap at halik lang ay sapat na sa akin."

"Naku napakabait mo talagang bata ka."

Hinaplos niya ang aking mukha saka ako hinalikan sa noo.

"Nay join po kayo sa bahay mamaya ah. Simpleng salo-salo lang po ang mangyayari."

"Huwag kang mag-alala, Anak. Present kami mamaya."