Kabanata 84

MIKAY

"Alam niyo na ba?"

Nanatili ako sa aking ginagawa at hindi binalingan ng tingin sila Nurse Yen na mukhang may chismis na naman. Araw-araw na lang akong may naririnig ng chismis, hindi na sila nagsasawa.

"May nakakita raw kay Doc Damon na may kahalikan siya sa office nya."

Bahagya akong napatigil dahil sa sinabi ni Nurse Yen.

"At alam niyo ba ang pinakapasabog?"

Biglang bumilis ang tibok ng puso ko. Napatingin ako kay Nurse Yen na mukhang seryoso siya sa sasabihin niya. Lahat kami ay nakatutok sa kaniya. Siguro naman hindi nakita ang mukha ko kanina. Kasalanan niya talaga ito eh. Masaya siyang malandi.

"Nurse Yen, huwag mo ng patagalin pa."

"Kaya nga! Spill the tea."

Mas lalong lumalakas ang pagkakabog ng aking dibdib dahil sa nangyayari. Jusmiyo naman! Hindi ko na talaga kinakaya ang lahat! I really can't na ito.

"Ang pasabog at nakakairita, hindi nakita kung sino. Pero ang sabi-sabi, mukhang may malalim daw silang relasyon. Kasi naman, sino bang hindi mag-iisip ng iba di ba? Si