Kabanata 89

MIKAY

Kasama ko ngayon si Adam. Nandito kami sa isang maliit na clinic, at hinihintay ang resulta ng test ko. Patuloy ang paghaharumentado ng puso ko na tila ba kakawala na ito sa akin. Noong malaman ko sa test na ginawa namin ni Suzy na buntis ako, si Adam agad ang naisip ko na pagsabihan, though alam na ng mga kaibigan namin na buntis ako, iba pa rin kapag ako mismo ang nagsabi kay Adam.

"Stop worrying, Mikay. It already happened."

Hinawakan niya ang kamay ko para kumalma ako. Akala ko magagalit sa akin si Adam nang sabihin ko sa kaniya na buntis ako, ngunit kalmado pa rin ito na tila ba inaasahan na rin niya itong mangyari.

"Miss Mikael Mendoza."

Tila lumundag palabas ang puso ko nang tawagin na ang pangalan ko. Naunang tumayo si Adam samantalang tila nanlalambot naman ako dahil sa kabang nararamdaman ko.

Pumasok kami ulit sa clinic. Pinaupo naman agad ako ng isang nurse. Katabi ko pa rin si Adam. Nakatingin ako sa OB na nakangiting nakatingin sa resulta ko.

"Congratulations M