Kabanata 90

MIKAY

Nakatayo ako sa harap ni Damon habang sobrang lakas ng kabog ng aking dibdib. Masama ang tingin niya kay Adam na nakatayo sa harapan ko, hanggang sa binalingan niya ako ng tingin na halos ikalaglag ng puso ko dahil alam kong hindi siya natutuwa sa nakikita niya ngayon.

"Bakit nandito kayong dalawa? Ng magkasama?" tanong niya sa isang himig na may halong pagbabanta.

Pinagtaasan niya ako ng kilay na akala mo isang malaking kasalanan na kasama ko ngayon si Adam. Alam ko naman kasi na kahit na anong mangyari ay hindi sila magkakasundong dalawa, lalo na itong si Damon, ewan ko ba kung bakit sobrang laki ng galit niya kay Adam. Wala namang ginagawa si Adam sa kaniya, sa halip ay gusto pa nga nito na maging close silang dalawa.

"Wife."

Napalunok ako ng tawagin na niya ako.

"May sasabihin ka ba?" tanong niya ulit, ang tono niya ay para bang hindi na ito makapaghintay pa sa sasabihin ko.

Huminga ako ng malalim saka ako bahagyang nagtago kay Adam, napahawak pa ako sa braso ni Adam dahil t