Kabanata 93

MIKAY

Matapos ang asawa reveal naming dalawa sa isang karinderya, samu't saring news article na agad ang lumabas. Feeling celebrity tuloy ako ngayon dahil nagkalat na sa media ang mga private photos ko. Buti na nga lang ay hindi nila nahalungkat ang private accounts ko sa social media eh.

"Mikay! Hindi mo sinasabi ah! Ikaw na talaga!"

"Sanaol Mikay!"

"Sanaol may josawang pak na pak!"

Hindi ko alam kung matutuwa ako sa mga sinasabi ng mga ka schoolmate ko eh. Madalas gusto ko na lang magpalamon sa lupa dahil sa hiya. Syempre, hindi mawawala ang mga bitter ng taon na kulang na lang isumpa nila ang buong pagkatao ko eh.

"Hindi naman maganda!"

"Ynares kasi kaya may privilege."

"Naku! Baka napilitan lang si Doc Damon!"

Marahas akong napabuntong hininga. Kahit naman ipaliwanag ko ang sarili ko sa kanila, hindi pa rin nila ito mauunawaan dahil nga sarado na ang tenga nila. Na iniwan lang sila sa kung ano ang gusto nila, kaya naman hindi na ako mag-aaksaya pa na sayangin ko ang lakas ko sa ka