Kabanata 98

MIKAY

Mas lalong umiinit ang sitwasyon sa pagitan namin ni Damon, at mas lalo na ngayong galit ang lolo ko dahil sa mga litrato ni Damon at Caitlyn na kumakalat ngayon. Sa totoo lang hindi naman nag effort si Damon na kunin ako mula kay Lolo, wala rin akong naririnig mula sa kaniya, para bang hinayaan na lang niya akong umalis at mawala sa tabi niya.

"Apo, nandito ang papa mo."

Nabaling ang tingin ko kay Lolo na hindi ko man lang napansing pumasok sa kwarto ko. Masyadong okupado ang isip ko ng mga nangyayari ngayon.

Sumunod ako kay Lolo. Simula nang malaman ni Lolo na buntis ako, halos hindi na niya ako palabasin sa kwarto ko para lang hindi ako gumalaw-galaw, kagagaling lang dito ni Doc Faye, ang OB ko sa hospital ni Lolo, at iyon nga, maselan daw ang pagbubuntis ko kaya huwag daw dapat akong mastress o kung ano pa. Kakambal ko na nga ata ang salitang stress eh. Hindi ko maiwasan.

"Anak."

Mabilis na yumakap sa akin si Papa nang makita niya ako. Ewan ko, bigla na lang bumagsak ang l