Kabanata 101

MIKAY

"Moma, gusto ka raw kausapin ng teacher namin bukas."

Iyan agad ang bungad ni Dal sa akin nang makauwi siya ng bahay. Inilapag niya ang bag niya sa upuan saka nito tinggal ang sapatos at medyas nito saka nagsuot ng tsinelas. Isinalansan niya ng maayos ang sapatos niya sa labas at saka muling kinuha ang kaniyang bag upang ipasok sa mismong kwarto niya. Sinundan ko naman siya.

"May ginawa ka na naman ba?"

"Luh Moma. Grabe ka. Wala po ah. Ewan ko nga kay Ma'am. Behave nga ako kanina sa room, katulad ng bilin mo po hindi po ako nakipag-away, kahit itanong mo pa kay Ceci."

Pinanliitan ko siya ng mata.

"Peksman."

Minsan talaga wala na akong tiwala sa batang ito eh. Paano wala na siyang ginawa kundi ang makipag-away.

"Itatanong ko na lang kay Ninang Rita mo."

"Sige po. Moma, p'wede ba akong maglaro sa labas?"

Mabilis itong nakapag bihis. Oversize tshirt na pang basketball ang suot nito, maging ang suot nitong short, akala ko rapper eh kulang na lang sumbrero.

"Nag-aaya kasi