Kabanata 99

MIKAY

Bakit ba sobrang hirap maging masaya? Bakit sobrang hirap maging payapa ng buhay? Bakit sobrang hirap? Simple lang naman ang gusto ko no'n, iyon ay maging masaya, grumaduate, magkatrababo at makatulong sa magulang, pero bakit ganito? Bakit sobrang hirap? Bakit sobrang sakit ng balik sa akin ng lahat?

Si Damon na inaasahan kong mananatili sa tabi ko hanggang sa huli, iba ang pinili. Nangako kami sa isa't isa, pero nasira lang iyon ng basta-basta. Buong akala ko hahawakan niya ng mahigpit ang kamay ko pero akala ko lang pala talaga iyon... buong akala ko akin siya ng buong-buo pero ni kahit katiting wala palang sa akin.

Ganito siguro talaga kung hindi ikaw ang nauna sa buhay niya. Ganito siguro talaga kung hindi ka masyadong mahalaga sa kaniya. Ganito siguro talaga... hanggang dito na lang siguro talaga kaming dalawa.

Sa nangyayari ngayon sa buhay ko, gusto ko na lang umalis o maglaho. Gusto ko na lang bumalik sa dati, yung simple lang... mahirap pero masaya.

"Doc, heto na po an