Kabanata 87

MIKAY

"Mukhang nagkainitan na naman kayo ni Adam kanina ah. Oks ka lang ba?"

Tumabi ako kay Damon na nakaupo sa mahabang kahoy habang nakaharap sa madilim na dagat. Nakita ko kanina kung paano mag igting ang kaniyang panga habang nag-uusap sila ng kung ano ni Adam. Sinabihan din ako ni Kean nang lumapit siya sa akin na puntahan ko nga raw si Damon dahil iba na ang mood nito. Iba pa naman mag ngitngit ng galit ang isang ito.

"Kanina ka pa umiinom, baka mamaya tumumba ka na lang ah. Hindi kita mabuhuhat," saad ko saka ko kinuha mula sa kaniya ang alak na iniinom niya.

Hindi ko man alam ang buong detalye ng pinag-usapan nila, alam kong may kinalaman ako rito. Kilala ko si Adam, ang pinaka ayaw niya sa lahat ay yung nadedehado ako... kaya naman for sure nagkainitan siguro sila ng malala kanina.

"Hindi kita tatanungin kung ano ang pinagtalunan niyo ni Adam."

Hinawakan ko ang kamay niya dahil nanatili itong nakakuyom. Marahas akong napabuntong hininga. Nanatili namang tahimik si Damon ha